'మ‌న్మ‌థుడు' కోసం ఇద్దరు....
- IndiaGlitz, [Saturday,February 16 2019]
అక్కినేని నాగార్జున ఇప్పుడు రెండు సీక్వెల్స్‌ను సెట్స్‌కు తీసుకెళ్ల‌డానికి సిద్ధ‌మ‌వుతున్నాడు. వాటిలో ముందుగా 'మ‌న్మ‌థుడు' సీక్వెల్ 'మ‌న్మ‌థుడు 2', 'సొగ్గాడే చిన్నినాయ‌నా' సీక్వెల్ 'బంగార్రాజు'. మ‌న్మ‌థుడు 2ను రాహుల్ ర‌వీంద్ర‌న్ డైరెక్ట్ చేయ‌బోతున్న సంగతి తెలిసిందే.
ఈ సినిమా ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. తాజా స‌మాచారం ప్ర‌కారం ఈ చిత్రంలో ఇద్దరు హీరోయిన్స్ న‌టించ‌బోతున్నార‌ట. అందులో ఒక‌రు పాయ‌ల్ రాజ్‌పుత్ అని వార్త‌లు విన‌ప‌డ్డాయి.
కాగా.. మ‌రో హీరోయిన్‌గా అనుష్క శెట్టిని న‌టింప చేసే ప్ర‌య‌త్నాలు జ‌రుగుతున్నాయి. సినీ ఇండ‌స్ట్రీలో అనుష్క‌కి గాడ్‌ఫాద‌ర్ నాగార్జున. ఆయ‌న‌తో సినిమా కాబ‌ట్టే అనుష్క ఏమాత్రం వెనుకాడ‌క ఓకే అనేసింద‌ని టాక్‌. ఈ చిత్రాన్ని మార్చి మొద‌టి వారంలో ప్రారంభిస్తారు.