ஏப்ரல் 14ஆம் தேதி வெளியான ‘கே.ஜி.எஃப் 2’ படம் பெரிய வெற்றி பெற்றுள்ள நிலையில் இந்த படத்தை தமிழ் திரை உலகில் இரண்டு ஜாம்பவான்கள் பார்த்ததாக தகவல்கள் வெளியாகியுள்ளன .

கன்னட நடிகர் யாஷ் நடிப்பில், பிரசாந்த் நீல் இயக்கத்தில் உருவான ’கேஜிஎப் 2’ திரைப்படம் ஏப்ரல் 14ஆம் தேதி வெளியானது. தமிழ் உள்பட 5 மொழிகளில் வெளியான இந்தப் படம் உலகம் முழுவதும் 900 கோடி வரை வசூல் செய்துள்ளதாக கூறப்படுகிறது.

மிகப்பெரிய வெற்றி பெற்ற இந்த திரைப்படத்தை ஏற்கனவே பல திரையுலகினர் பார்த்து பாராட்டிய நிலையில் தமிழ் திரையுலகின் ஜாம்பவான்களான உலக நாயகன் கமல்ஹாசன் மற்றும் இசைஞானி இளையராஜா ஆகிய இருவரும் இணைந்து பார்த்துள்ளனர். இருவரையும் படக்குழுவினர் பூங்கொத்து கொடுத்து வரவேற்றனர் என்பது குறிப்பிடத்தக்கது .

‘கே.ஜி.எஃப் 2’ படத்தை கமல்ஹாசன் மற்றும் இளையராஜா இணைந்து பார்த்த புகைப்படம் தற்போது இணையதளங்களில் வைரலாக வருகிறது.