అన్నయ్య - త‌మ్ముడు ఒకేసారి..
- IndiaGlitz, [Tuesday,April 26 2016]
అన్నయ్య మెగాస్టార్ చిరంజీవి - త‌మ్ముడు ప‌వ‌ర్ స్టార్ ప‌వ‌న్ క‌ళ్యాణ్....వీళ్లిద్ద‌రు ఒకేరోజు త‌మ చిత్రాల‌ను ప్రారంభిస్తున్నార‌ట. మెగాస్టార్ చిరంజీవి 150వ చిత్రాన్ని ఈ నెల 29న ప్రారంభించ‌డానికి ముహుర్తం ఖ‌రారు చేసిన విష‌యం తెలిసిందే. ఈ చిత్రాన్ని వి.వి. వినాయ‌క్ ద‌ర్శ‌క‌త్వంలో రామ్ చ‌ర‌ణ్ నిర్మిస్తున్నారు. అయితే... అన్నయ్య బాట‌లోనే త‌మ్ముడు ప‌వ‌న్ కూడా ఈనెల 29నే త‌న చిత్రాన్ని ప్రారంభించ‌నున్న‌ట్టు స‌మాచారం.
ఈ చిత్రానికి ఎస్.జె.సూర్య ద‌ర్శ‌క‌త్వం వ‌హిస్తున్నారు. చిరు మూవీకి దేవిశ్రీప్ర‌సాద్ సంగీతం అందిస్తుంటే...ప‌వ‌న్ మూవీకి అనూప్ సంగీతం అందిస్తున్నారు. అన్న‌ద‌మ్ములిద్ద‌రూ త‌మ చిత్రాల ప్రారంభోత్స‌వంకు ఒకే రోజు ఎంచుకోవ‌డానికి కార‌ణం ఏమిటంటే...పుష్క‌రాల సంద‌ర్భంగా ఈనెల 29 దాటితే మంచి ముహుర్తాలు లేవ‌ట. అందుక‌నే ప‌వ‌న్ కూడా అన్నయ్య సినిమా ప్రారంభోత్స‌వం రోజునే త‌న సినిమాని కూడా ప్రారంభిస్తున్నార‌ట అదీ అస‌లు సంగ‌తి.