நடிகர் பிரபுவுடன் நடித்த இரண்டு நடிகைகள் நீண்ட இடைவெளிக்கு பின்னர் அவரை சந்தித்து புகைப்படம் எடுத்து கொண்ட நிலையில் அந்த புகைப்படங்கள் இணையத்தில் வைரல் ஆகி வருகிறது.

இளைய திலகம் பிரபுவுடன் நடித்த நடிகைகள் சீதா மற்றும் ஜெயஸ்ரீ. நடிகை சீதா ’குரு சிஷ்யன்’ திரைப்படத்தில் பிரபுவுக்கு ஜோடியாக நடித்திருப்பார். அதன்பின்னர் ’வெற்றி மேல் வெற்றி’ ‘பொண்ணு பாக்க போறேன்’ போன்ற படங்களிலும் இருவரும் இணைந்து நடித்திருப்பார்கள்.

அதேபோல் பிரபு நடித்த ’ஆனந்த்’ திரைப்படத்தில் ராதா, ஜெயஸ்ரீ ஆகிய இருவரும் இணைந்து நடித்திருப்பார்கள். இந்த நிலையில் சமீபத்தில் நடிகை விஜி சந்திரசேகர் இல்ல திருமண விழாவில் பிரபு கலந்து கொண்ட நிலையில் அதே திருமண விழாவிற்கு கலந்து கொள்ள வந்த சீதா மற்றும் ஜெயஸ்ரீ ஆகிய இருவரும் பிரபுவை சந்தித்தனர். மூவரும் இணைந்து புகைப்படம் எடுத்து கொண்ட நிலையில் இந்த புகைப்படத்தை சீதா தனது சமூக வலை தளத்தில் பதிவு செய்துள்ளார். இந்த புகைப்படங்கள் வைரல் ஆகி வருகின்றன.

அதேபோல் ஜெயஸ்ரீயும் தனது இன்ஸ்டாகிராம் பக்கத்தில் இந்த புகைப்படங்களை பகிர்ந்து உள்ளார். இந்த நீண்ட இடைவேளைக்கு பின்னர் பிரபுவுடன் நடித்த இரண்டு நடிகைகள் இணைந்து புகைப்படம் எடுத்துக்கொண்டதை அடுத்து ரசிகர்கள் இந்த புகைப்படங்களுக்கு லைக்ஸ் கமெண்ட்ஸ் பதிவு செய்து வருகின்றனர்.

View this post on Instagram

A post shared by Seetha PS (@seethaps67)