உலகநாயகன் கமல்ஹாசன் கடந்த சில மாதங்களாக ஆட்சியாளர்களுக்கு எதிராகவும், ஊழல்வாதிகளுக்கு எதிராகவும் தைரியமான கருத்துக்களை தெரிவித்து வருகிறார். சமூக அக்கறையுடன் அவர் தெரிவித்து வரும் கருத்துக்கள் பொதுமக்களிடையே பெரும் வரவேற்பையும், அரசியல்வாதிகளிடையே பெரும் அதிருப்தியையும் பெற்று வருகிறது.

குறிப்பாக தமிழக பாஜக தலைவர்களை கமல்ஹாசனை அவ்வப்போது கலாய்த்தும் சீண்டியும் வருகின்றனர். அந்த வகையில் பாஜகவின் தேசிய செயலாளர் தற்போது கமல் குறித்து கூறியபோது, 'கமல் கட்சி ஆரம்பித்தால் அந்த கட்சிக்கு டுவிட்டர் முன்னேற்ற கழகம்' என்ற பெயர் வைக்கலாம், அதுதான் பொருத்தமாக இருக்கும் என்று கூறியுள்ளார். மேலும் கமல் போன்றவர்கள் பொதுவாழ்க்கைக்கு வந்தால், கவுரமானவர்கள் தமிழகத்தில் வாழ முடியாது' என்றும் எச்.ராஜா கூறியுள்ளார்

எச்.ராஜாவின் இந்த கருத்து கமல் ரசிகர்களிடையே சலசலப்பை ஏற்படுத்தியுள்ள நிலையில் அவருக்கு டுவிட்டர் மூலம் பதிலடி கொடுத்து வருகின்றனர். இந்த கருத்துக்கு கமல் என்ன பதில் சொல்ல போகிறார் என்பதை பொறுத்திருந்து பார்ப்போம்