5 ஆண்டுகள் கழித்து ஷரபோவாவிடம் மன்னிப்பு கோரும் இந்திய டுவிட்டர் ரசிகர்கள்!
- IndiaGlitz, [Friday,February 05 2021]
ஐந்து ஆண்டுகள் கழித்து பிரபல டென்னிஸ் வீராங்கனை ஷரபோவாவிடம் இந்திய டுவிட்டர் ரசிகர்கள் மன்னிப்பு கேட்டு இருப்பது பெரும் பரபரப்பை ஏற்படுத்தி உள்ளது.
கடந்த 2 மாதங்களுக்கும் மேலாக விவசாயிகள் போராட்டம் நடத்தி வரும் நிலையில் இந்த போராட்டத்திற்கு ஆதரவு தெரிவித்து அமெரிக்க பாப் பாடகி ரிஹானா உள்பட பல வெளிநாட்டு பிரபலங்கள் குரல் கொடுத்தனர். ஆனால் சச்சின் உள்பட பல கிரிக்கெட் வீரர்கள் ரிஹானாவுக்கு பதிலடி கொடுக்கும் வகையில் டுவிட் செய்ததால் இந்திய கிரிக்கெட் ரசிகர்கள் சச்சினை கடுமையாக விமர்சனம் செய்து வருகின்றனர்
இந்த நிலையில் கடந்த 2015ஆம் ஆண்டு பிரபல டென்னிஸ் வீராங்கனை மரிய ஷரபோவா, ‘ சச்சின் டெண்டுல்கர் யாரென்றே எனக்கு தெரியாது’ என தெரிவித்து இருந்தார். அப்போது லட்சக்கணக்கான இந்திய ரசிகர்கள் அவருக்கு கடுமையான கண்டனங்களை தெரிவித்தனர். இந்த நிலையில் தற்போது சச்சின் யார் என்பதை நாங்கள் சரியாக புரிந்துகொண்டு விட்டோம் என்றும் ஆனால் ஐந்து ஆண்டுகளுக்கு முன்னரே ஷரபோவா அவரை புரிந்து வைத்திருக்கிறார் என்றும் எனவே அவர் கூறியது சரிதான் என்றும் அதனால் அவரிடம் மன்னிப்பு கேட்டுக்கொள்வதாகவும் டிவிட்டர் ரசிகர்கள் தற்போது பதிவு செய்து வருகின்றனர். நீங்கள் சச்சினைப் பற்றி சரியாகத் தான் கூறியிருக்கிறீர்கள் என்றும், அவர் தரமான மனிதர் இல்லை என்று உங்களுக்கு ஐந்து ஆண்டுகளுக்கு முன்பே தெரிந்திருக்கிறது என்று ஒரு டுவிட்டர் பயனாளி ஒருவர் குறிப்பிட்டுள்ளார்.
இந்த நிலையில் ஐந்து ஆண்டுகளுக்கு பின்னர் திடீரென தன்னிடம் மன்னிப்பு கேட்கும் இந்திய ரசிகர்கள் குறித்து மரிய ஷரபோவா தனது டுவிட்டரில் ’யாருக்காவது ஆண்டுகள் பற்றிப் ஏதேனும் குழப்பம் வந்துவிட்டதா? என்று கேட்டுள்ளார்
கிரிக்கெட்டின் கடவுள் என்று இந்திய மக்களால் போற்றப்பட்டு பல ஆண்டுகளாக நன்மதிப்பை பெற்று இருந்த சச்சின் டெண்டுல்கர், ஒரே ஒரு டுவிட்டால் தனது மதிப்பை இழந்து விட்டதாக பல நெட்டிசன்கள் தெரிவித்து வருவது பெரும் பரபரப்பை ஏற்படுத்தி உள்ளது
Sorry @MariaSharapova
— Janith Jayaprakash J (@Janithjiji) February 5, 2021