பிரபல அரசியல் தலைவருக்கு தமிழக வெற்றி கழகத்தின் தலைவர் பிறந்தநாள் வாழ்த்து தெரிவித்துள்ளதாக தகவல் வெளியாகியுள்ளது.

கடந்த சில நாட்களுக்கு முன் நடிகர் விஜய் தமிழக வெற்றி கழகம் என்ற அரசியல் கட்சியை தொடங்கியிருக்கும் நிலையில் இந்த கட்சியின் முதல் மாநாடு விரைவில் நடைபெற இருப்பதாக தகவல் வெளியாகி உள்ளன.

மாநாட்டுக்கு முன்பு கட்சியின் கொடி அறிமுகம் செய்யப்படும் என்றும் மாநாடு மிகவும் பிரம்மாண்டமாக நடத்த திட்டமிடப்பட்டு உள்ளதாகவும் இந்த மாநாட்டில் நான்கு மாநில முதல்வர் கலந்து கொள்ள இருப்பதாகவும் கூறப்படுகிறது.

இந்த நிலையில் கடந்த சில மாதங்களாகவே முக்கிய அரசியல் கட்சி தலைவர்களுக்கு பிறந்தநாள் வாழ்த்துக்களை தமிழக வெற்றி கழகத்தின் தலைவர் விஜய் தெரிவித்து வரும் நிலையில் சற்றுமுன் அவர் இன்று பிறந்தநாள் கொண்டாடும் விடுதலை சிறுத்தைகள் கட்சியின் தலைவர் திருமாவளவனுக்கு தொலைபேசி மூலம் பிறந்தநாள் வாழ்த்துக்களை தெரிவித்ததாக தகவல் வெளியாகியுள்ளது.

இது குறித்த செய்தி இணைய தளங்களில் வெளியாகி வைரல் ஆகி வரும் நிலையில் பிற்காலத்தில் கூட்டணிக்கு அச்சாரமா என்ற கேள்வியை அரசியல் பார்வையாளர்கள் எழுப்பி வருகின்றனர்.