அண்ணா பிறந்த நாளுக்கும் வாழ்த்து கூறிய தவெக தலைவர் விஜய்.. என்ன சொன்னார் தெரியுமா?
- IndiaGlitz, [Sunday,September 15 2024]
தமிழக வெற்றி கழகத்தின் தலைவர் விஜய் தனது சமூக வலைதளத்தில் அண்ணா பிறந்தநாளுக்கு வாழ்த்து தெரிவித்துள்ளார்.
தளபதி விஜய் கடந்த சில நாட்களுக்கு முன்னர் தமிழக வெற்றி கழகம் என்ற அரசியல் கட்சியை தொடங்கிய நிலையில் மறைந்த முன்னாள் தலைவர்களின் பிறந்த நாளின் போது வாழ்த்துக்களை பதிவு செய்து வருகிறார்.
அந்த வகையில் முன்னாள் முதலமைச்சர் அண்ணா அவர்களின் பிறந்த நாள் இன்று தமிழகம் முழுவதும் கொண்டாடப்பட்டு வரும் நிலையில் தமிழக வெற்றி கழகத்தின் தலைவர் விஜய் பிறந்தநாள் வாழ்த்துக்களை தெரிவித்துள்ளார். அவர் தனது வாழ்த்து பதிவில் கூறியிருப்பதாவது:
சுயமரியாதை திருமணங்களை சட்டபூர்வமாக்கியது, மதராஸ் மாநிலம் என்ற பெயரை தமிழ்நாடு என மாற்றியது, தமிழ் ஆங்கிலம் என்ற இரு மொழி கொள்கையை செயல்படுத்தியது என்று தமிழக அரசியல் களத்தில் புதிய வரலாறு படைத்த அண்ணா அவர்களின் பிறந்த நாளில் அவர் தமிழ்நாட்டுக்கு ஆற்றிய பணிகளை என்றென்றும் போற்றி மகிழ்வோம்’ என்று தெரிவித்துள்ளார்.
— TVK Vijay (@tvkvijayhq) September 15, 2024