கேரளாவை சேர்ந்த டிவி நடிகை கவிதா என்பவர் அவருடைய வீட்டில் எரிந்த நிலையில் பிணமாக கிடந்ததால் கேரள டிவி நடிகர் நடிகைகள் இடையே பெரும் அதிர்ச்சி ஏற்பட்டுள்ளது

டிவி சீரியல் நடிகையான 35 வயது கவிதா, கணவருடன் ஏற்பட்ட கருத்துவேறுபாடு காரணமாக 4வயது ஒரே மகளுடன் மலப்புரம் பகுதியில் தனியாக வசித்து வருகிறார். இந்த நிலையில் தனது குழந்தையை உறவினர் ஒருவர் வீட்டிற்கு அனுப்பி வைத்த கவிதா, திடீரென மரணம் அடைந்துள்ளார். அவருடைய வீடு உள்பக்கமாக பூட்டப்பட்டிருந்ததாகவும், வீட்டின் உள்ளே அவர் எரிந்த நிலையில் பிணமாக இருந்ததாகவும் கூறப்படுகிறது.

கவிதாவுக்கு பெங்களூரில் அழகு நிலையம் திறக்க வேண்டும் என்ற ஆசை இருந்ததாகவும், ஆனால் போதிய பணம் இல்லாததால் தனது ஆசை நிறைவேறாமல் அவர் மன அழுத்தத்துடன் இருந்ததாகவும் கூறப்படுகிறது. இருப்பினும் கவிதாவின் மரணம் கொலையா? என்ற கோணத்திலும் விசாரணை நடந்து வருகிறது.