3 வயது குழந்தையின் உயிரைப்பறித்த டிவி!!! பரபரப்பு சம்பவம்!!!
- IndiaGlitz, [Tuesday,August 18 2020]
சென்னையின் தாம்பரம் அடுத்த சேலையூரில் டிவி மேல் இருந்த செல்போனை எடுக்க முயன்றதால் 3 வயது குழந்தை உயிரிழந்த சம்பவம் பெரும் பரபரப்பை ஏற்படுத்தியிருக்கிறது. சேலையூரின் அகரம் அன்னை சத்யா நகர் பகுதியில் வசித்து வரும் பாலாஜி என்பவர் தன்னுடைய செல்போனை எப்போதும் ஜார்ஜரில் போட்டு டிவி மேல் வைப்பது வழக்கமாம். பாலாஜியும் அவரது மனைவியும் வெளியில் பேசிக் கொண்டிருந்தபோது அந்தச் செல்போனுக்கு அழைப்பு வந்திருக்கிறது. இதனால் குழந்தை கவியரசு வேகமாக செல்போனை எடுக்க முயன்றிருக்கிறார்.
குழந்தை வேகமாக செல்போனை எடுக்க முயன்றபோது சார்ஜர் வயர் டிவியோடு சேர்த்து இழுத்துக் கெண்டு வந்ததாகக் கூறப்படுகிறது. குழந்தைமீது டிவி விழுந்ததால் குழந்தை உடனே கதறி அழுதிருக்கிறது. வெளியே இருந்த பாலாஜி ஓடிவந்து பார்த்திருக்கிறார். குழந்தை மயங்கிய நிலையில் குரோம்பேட்டையில் உள்ள மருத்துவமனைக்கு கொண்டு செல்லப்பட்டிருக்கிறார். குழந்தையைப் பரிசோதித்துப் பார்த்த மருத்துவர்கள் குழந்தை ஏற்கனவே உயிரிழந்து விட்டதாகத் தெரிவித்து இருக்கின்றனர்.
மேலும், பலகைகளை கொண்டு அடுக்கப்பட்ட கட்டைகளின் மீது டிவி வைக்கப்பட்டதால் இச்சம்பவம் நடைபெற்றதாகவும் கூறப்படுகிறது. டிவியோடு சேர்த்து இந்தக் கட்டைகளும் குழந்தை மீது விழுந்ததாகவும் அதனால் 3 வயது குழந்தையின் உயிர் பறிபோனதாகவும் அப்பகுதியில் கடும் பரபரப்பு ஏற்பட்டிருக்கிறது.