బుల్లితెర నటి శ్రావణి ఆత్మహత్య కేసులో కీలక వ్యక్తులిద్దరూ అరెస్ట్ అయ్యారు. శ్రావణి ఆత్మహత్య కేసులో ప్రముఖంగా దేవరాజ్‌రెడ్డి, సాయికృష్ణారెడ్డితో పాటు అశోక్‌రెడ్డి పేర్లు వినిపించాయి. అయితే అశోక్‌రెడ్డి పాత్ర ఎంత ఉందనేది మాత్రం ఇప్పటి వరకూ తెలియరాలేదు కానీ దేవరాజ్, సాయిలకు సంబంధించిన వీడియోలు మాత్రం బయటకు వచ్చాయి. వీరిద్దరూ ప్రేమ పేరిట ఆమెను ఎంతలా వేధించారో ఆడియోలను బట్టి తెలుస్తోంది.

దేవరాజ్, సాయిలిద్దరూ ఒకరిపై ఒకరు ఆరోపణలు గుప్పించారు. వీరి గొడవల్లో ఇరువురి తల్లిదండ్రులు కూడా ఇన్వాల్వ్ అయ్యారని ఆడియోలను బ్టటి తెలుస్తోంది. వీరిద్దరినీ పోలీసులు ఏకకాలంలో విచారించారు. శ్రావణిని దేవరాజ్ బెదిరించిన ఆడియోలతో పాటు వారిద్దరి మధ్య జరిగిన సంభాషణ, శ్రావణిని సాయి బెదిరించడమే కాకుండా కొట్టినట్టు బయటకు వచ్చి ఆడియోలపై పోలీసులు ముఖ్యంగా విచారించినట్టు తెలుస్తోంది. దేవరాజ్, సాయిలతో పాటు వీరిద్దరి కుటుంబసభ్యులను కూడా పోలీసులు విచారించారు. దేవరాజ్, సాయిల స్టేట్‌మెంట్‌ల రికార్డుల అనంతరం పోలీసులు... దేవరాజ్‌, సాయిలను అరెస్ట్ చేశారు. సోమవారం వీరిద్దరిని కోర్టులో హాజరుపచనున్నారు.