பிரபல நடிகரின் 2 வயது மகள் எதிர்பாராத விபத்தில் மரணம்!
- IndiaGlitz, [Friday,May 10 2019]
பிரபல இந்தி தொலைக்காட்சி நடிகர் பிரதீஷ் வோராவின் இரண்டு வயது மகள் எதிர்பாராத நடந்த ஒரு விபத்தில் பரிதாபமாக மரணம் அடைந்தார்.
'பியார் கி பாபட்' என்ற தொலைக்காட்சி தொடர் மூலம் பிரபலம் அடைந்த நடிகர் பிரதீஷ் வோராவின் இரண்டு வயது மகள் நேற்று ஒரு சிறு பொம்மையை வைத்து விளையாடி கொண்டிருந்தார். அப்போது எதிர்பாராதவிதமாக அந்த பொம்மையை அவர் வாயில் போட்டு விழுங்கி விட்டார். அந்த பொம்மை அவரது மூச்சுக்குழலை அடைத்ததால் சில நிமிடங்களில் அந்த குழந்தையின் உயிர் பிரிந்தது.
தனது குழந்தை மிகவும் ராசியான குழந்தை என்று நடிகர் பிரதீஷ் வோரா அடிக்கடி புகைப்படங்களுடன் கூடிய பதிவை சமூக வலைத்தளங்களில் பதிவு செய்வார். அந்த குழந்தையின் மரணம் அவரை மட்டுமின்றி அவருடைய குடும்பத்தினர்களையும் மீளா சோகத்தில் ஆழ்த்தியுள்ளது.