'துக்ளக் தர்பார்' படத்தின் மாஸ் அப்டேட் கொடுத்த சன் டிவி!
- IndiaGlitz, [Sunday,January 10 2021]
மக்கள் செல்வன் விஜய் சேதுபதி, தளபதி விஜய்யுடன் நடித்த ’மாஸ்டர்’ திரைப்படம் வரும் 13ஆம் தேதி வெளியாக இருக்கும் நிலையில் ஏற்கனவே அவர் நடித்து முடித்த நான்கு திரைப்படங்கள் ரிலீசுக்கு தயாராக இருக்கிறது என்பது குறிப்பிடத்தக்கது. இந்த திரைப்படங்கள் ஒவ்வொன்றாக விரைவில் வெளியாகும் என்று எதிர்பார்க்கப்படுகிறது.
இந்த நிலையில் விஜய் சேதுபதி நடித்து முடித்துள்ள திரைப்படங்களில் ஒன்று ’துக்ளக் தர்பார்’. இந்த படத்தின் படப்பிடிப்பு சமீபத்தில் முடிவடைந்த நிலையில் தற்போது இந்த படத்தின் போஸ்ட் புரடொக்ஷன் பணிகள் விறுவிறுப்பாக நடைபெற்று வருகிறது.
இந்த நிலையில் நாளை மதியம் 12.30 மணிக்கு சன் டிவியின் யூடியூப் சேனலில் ’துக்ளக் தர்பார்’ திரைப்படத்தின் டீசர் வெளியாக உள்ளதாக சன்டிவியின் சமூக வலைதளப் பக்கத்தில் அறிவிக்கப்பட்டுள்ளது. ஏற்கனவே இந்த படத்தின் ஃபர்ஸ்ட்லுக் போஸ்டரும் சன் டிவியின் சமூக வலைத்தள பக்கத்தில் தான் வெளியானது என்பது குறிப்பிடத்தக்கது.
விஜய்சேதுபதி, ராஷிகண்ணா, அதிதிராவ் ஹைத்ரி, பார்த்திபன், மஞ்சிமா மோகன் உள்பட பலர் நடித்துள்ள இந்த படத்தை டெல்லிபிரசாத் தீனதயாள் என்பவர் இயக்கியுள்ளார். இந்த படத்திற்கு ’96’ புகழ் கோவிந்த் வசந்தா இசையமைத்துள்ளார் என்பது குறிப்பிடத்தக்கது.
மக்கள் செல்வன் @VijaySethuOffl நடித்த #TughlaqDarbarTeaser நாளை 12.30pm உங்கள் சன் டிவி YouTube சேனலில்https://t.co/ZmWeEqK8yy@7screenstudio @Lalit_SevenScr @DDeenadayaln @govind_vasantha @manojdft @RaashiKhanna @mohan_manjima @rparthiepan @samyuktha_shan @thinkmusicindia pic.twitter.com/lD0WEryFQQ
— Sun TV (@SunTV) January 10, 2021