தளபதி விஜய் நடித்த 'சர்கார்' திரைப்படம் குறித்து தமிழக அமைச்சர்கள் கடும் கண்டன்ங்களை தெரிவித்து வரும் நிலையில் வைகோ உள்பட ஒருசில அரசியல்வாதிகள் இந்த படத்திற்கு தங்கள் ஆதரவையும் தெரிவித்துள்ளனர்.

இந்த நிலையில் இந்த படத்தில் நெகட்டிவ் கேரக்டரில் நடித்துள்ள நடிகை வரலட்சுமியின் 'கோமளவள்ளி' கேரக்டர் முன்னாள் முதல்வர் ஜெயலலிதாவை குறிப்பிடுவதாக ஒருசிலர் சமூக வலைத்தளங்களில் தெரிவித்து வருகின்றனர். இதுகுறித்து அமமுக துணை பொதுச்செயலாளர் டிடிவி தினகரன் கூறியபோது, 'கோமளவல்லி என்ற பெயர் ஜெயலலிதாவின் பெயரே அல்ல என்றும், அந்த பெயர் கொண்ட கதாப்பாத்திரத்தில் கூட ஜெயலலிதா நடித்தது இல்லை என்றும் கூறியுள்ளார். அதே நேரத்தில் 'சர்கார்' படத்தில் ஜெயலலிதா குறித்த தவறான கருத்துகள் இடம் பெற்றிருந்தால் கடும் எதிர்ப்பு தெரிவிப்பேன் 'என்றும் டிடிவி தினகரன் தெரிவித்துள்ளார்.

'சர்கார்' திரைப்படம் வெளியாகி இரண்டே நாட்களில் மிகப்பெரிய தொகையை வசூலித்துவிட்ட நிலையில் தற்போது அரசியல்வாதிகளின் விமர்சனங்களால் 'மெர்சல்' போல் இந்த படமும் வசூலில் சாதனை செய்யும் என எதிர்பார்க்கப்படுகிறது.