சூப்பர் ஸ்டார் ரஜினிகாந்த் அவர்கள் தனது அரசியல் வருகை குறித்த அறிவிப்பின்போது தான் ஆன்மீக அரசியலை பின்பற்றவுள்ளதாக தெரிவித்தார். மேலும் ஆன்மீக அரசியல் என்றால் உண்மையான, நேர்மையான, நாணயமான சாதி, மத, சார்பற்ற அறவழி அரசியலே ஆன்மீக அரசியல் என அவர் விளக்கமளித்தார். மேலும் ஆன்மீகம் என்பது ஆத்மாவுடன் தொடர்புடையது என்றும் விளக்கமளித்தார்

இந்த நிலையில் இதுவரை எந்த ஒரு அரசியல்வாதியும் கேள்விப்படாத ஆன்மீக அரசியல் குறித்து பலர் பலவிதமான கருத்துக்களை கூறி வருகின்றனர். அந்த வகையில் சமீபத்தில் ஆர்.கே.நகரில் நடைபெற்ற இடைத்தேர்தலில் வெற்றி பெற்ற டிடிவி தினகரன் ஆன்மீக அரசியல் குறித்து தனது கருத்தை தெரிவித்துள்ளார்.

ஆன்மீக அரசியல் குறித்து டிடிவி தினகரன் கூறியதாவது: 'ஆன்மீகம் என்பது தனி மனிதனை ஒழுங்குபடுத்தவே; அரசியலில் பயன்படுத்தினால் அது தவறாகத்தான் முடியும். மேலும் எதையும் கண்மூடித்தனமாக எதிர்க்கும் குணம் என்னுடைய குணம் அல்ல, என்னை பொருத்தவரையில் ஆன்மீக அரசியல் தவறாகவே முடியும்' என்று தினகரன் கூறியுள்ளார்.