இந்தியாவையே பரபரப்பை ஏற்படுத்திய 2ஜி வழக்கின் தீர்ப்பு சற்றுமுன்னர் அளிக்கப்பட்டது. இந்த தீர்ப்பில் குற்றம் சாட்டப்பட்டிருந்த முன்னாள் மத்திய அமைச்சர் ஆ.ராசா, திமுக தலைவர் கருணாநிதியின் மகள் கனிமொழி உள்பட அனைவரும் விடுதலை செய்யப்பட்டதாக அறிவிக்கப்பட்டது. இந்த தீர்ப்பு பெரும் பரபரப்பை ஏற்படுத்தியுள்ள நிலையில் இந்த தீர்ப்பு குறித்து டிடிவி தினகரன் சற்றுமுன்னர் தனது கருத்தை தெரிவித்துள்ளார்.

2 ஜி வழக்கில் அனைவரும் விடுதலை ஆனது தனக்கு மகிழ்ச்சி என்றும், தமிழர்களாக இருந்து விடுதலை பெற்றது மகிழ்ச்சி அளிப்பதாகவும், எதிர்க்கட்சியினர் என்பதால் சிறைக்கு செல்ல வேண்டும் என்று தான் நினைக்கவில்லை என்றும் டிடிவி தினகரன் கூறியுள்ளார்.

இந்த தீர்ப்பு குறித்து நடிகையும் காங்கிரஸ் கட்சியின் செய்தி தொடர்பாளருமான குஷ்பு கூறுகையில், '2ஜி வழக்கில் அனைவரும் விடுதலை செய்யப்பட்டது மகிழ்ச்சி அளிக்கிறது என்று கூறியுள்ளார். இதே கருத்தை தமிழக காங்கிரஸ் தலைவர் திருநாவுக்கரசர் அவர்களும் கூறியுள்ளார்.

2ஜி வழக்கில் நியாயம் வென்றுள்ளது; இனி எல்லாமே வெற்றிதான் என திமுக முதன்மைச் செயலாளர் துரைமுருகன் செய்தியாளர்களிடம் தெரிவித்துள்ளார்

நீதிமன்றத்தின் தீர்ப்பு ஏற்றுக்கொள்ளப்பட வேண்டியது, ஊழல், லஞ்சத்தை ஒழிக்க வழிவகை செய்ய வேண்டும்' என்று பாஜக தலைவர் தமிழிசை செளந்திரராஜன் தெரிவித்துள்ளார்.