சென்னை ஆர்.கே.நகரில் நடைபெற்ற இடைத்தேர்தலில் பதிவான வாக்குகள் இன்று காலை 8 மணி முதல் எண்ணப்பட்டு வருகின்றன. இந்த தொகுதியில் உள்ள 4 தபால் ஓட்டுக்களில் ஒரே ஒரு ஓட்டு மட்டுமே பதிவானது. அந்த ஒரு ஓட்டும் திமுகவுக்கு கிடைத்தது

இந்த நிலையில் முதல் சுற்று வாக்கு எண்ணிக்கையின் தகவலின்படி டிடிவி தினகரன் முன்னிலை பெற்று வருகிறார். டிடிவி தினகரன் முதல் சுற்றில் 2601 வாக்குகளும், மதுசூதனன் 647 வாக்குகளும், மருதுகணேஷ் 361 வாக்குகளும், கருநாகராஜன் 6 வாக்குகளும் பெற்றுள்ளனர். நாம் தமிழர் கட்சியின் கலைக்கோட்டுதயம் அவர்களுக்கு முதல் சுற்றில் ஒரு ஓட்டு கூட கிடைக்கவில்லை.

முதல் சுற்றின் முடிவிலேயே டிடிவி தினகரன் இரண்டாம் இடத்தில் உள்ள மதுசூதனைவிட அதிக வாக்குகள் வித்தியாசத்தில் முன்னிலையில் இருப்பதால் அவர் வெற்றி பெற அதிக வாய்ப்புகள் இருப்பதாக அரசியல் விமர்சகர்கள் தொலைக்காட்சி விவாதங்களில் கருத்து கூறி வருகின்றனர்.