మెగాస్టార్ చిరంజీవి న‌టించిన 150వ చిత్రం ఖైదీ నెం150 ప్ర‌పంచ వ్యాప్తంగా రికార్డ్ స్ధాయి క‌లెక్ష‌న్స్ వ‌సూలు చేస్తుంది. మెగాస్టార్ చిరంజీవి 10 ఏళ్ల త‌ర్వాత మ‌ళ్లీ న‌టించ‌డం...ఈ చిత్రం సంచ‌ల‌న విజ‌యాన్నిసాధించ‌డాన్ని పుర‌స్క‌రించుకుని ప్ర‌ముఖ పారిశ్రామిక‌వేత్త‌, రాజ‌కీయ నాయ‌కుడు టి.సుబ్బిరామిరెడ్డి పార్క్ హ‌య‌త్ లో అన్నిరంగాల ప్ర‌ముఖుల‌ను ఆహ్వానించి మెగాస్టార్ కి గ్రాండ్ పార్టీ ఇచ్చారు.

ఈ పార్టీకి కింగ్ నాగార్జున‌, ఛార్మి, వినాయ‌క్, బి.గోపాల్, ప‌రుచూరి బ్ర‌ద‌ర్స్...ఇలా సినీ రంగానికి చెందిన చాలా మంది ప్ర‌ముఖులు హాజ‌ర‌య్యారు. ప‌రుచూరి గోపాల‌కృష్ణ ఈ పార్టీలో మెగాస్టార్ ని కలిసి అభినందించారు. ఆ క్ష‌ణంలో మెగాస్టార్, ప‌రుచూరి గోపాల‌కృష్ణ‌, బి.గోపాల్ ను వినాయ‌క్ ఫోటో తీసార‌ట‌. ఈ విష‌యాన్ని ప‌రుచూరి గోపాల‌కృష్ణ ట్విట్ట‌ర్ ద్వారా తెలియ‌చేస్తూ సంతోషాన్ని షేర్ చేసుకున్నారు. అలాగే ఛార్మింగ్ గాళ్ ఛార్మి కూడా మెగాస్టార్ ని క‌లిసిన విష‌యాన్ని ట్విట్ట‌ర్ ద్వారా తెలియ‌చేస్తూ ఫోటోను పోస్ట్ చేసింది.