తెలుగు బుల్లితెర అభివృద్ధి చెందుతున్న త‌రుణంలో గ్లామ‌ర్ హంగులు అద్దిన తెలుగు యాంక‌ర్స్‌లో అన‌సూయ ముందు వ‌రుస‌లో ఉంటారు. ఈమె త‌ర్వాత ర‌ష్మీ గౌత‌మ్ ఉన్నారు. అయితే హాట్ యాంక‌ర్ ఇమేజ్ తీసుకొచ్చిన అన‌సూయ బుల్లితెర నుండి వెండితెర‌పై కూడా అడుగు పెట్టారు. ప‌లు చిత్రాల్లో కీల‌క పాత్ర‌లు, స్పెష‌ల్ సాంగ్స్‌లో న‌టించారు. అన‌సూయ న‌టించిన చిత్రాల్లో క్ష‌ణం, రంగ‌స్థ‌లం సినిమాల్లో అన‌సూయ పోషించిన పాత్ర‌ల‌కు చాలా మంచి పేరు వ‌చ్చింది. ఇప్పుడు ద‌ర్శ‌క నిర్మాత‌లు అన‌సూయ‌ను దృష్టిలో పెట్టుకుని పాత్ర‌ల‌ను క్రియేట్ చేస్తున్నారు.

బుల్లితెర‌, వెండితెర‌పై తెలుగు ప్రేక్ష‌కుల‌కు ఎంట‌ర్‌టైన్ చేస్తున్న అన‌సూయ భ‌ర‌ద్వాజ్‌.. ఇప్పుడు హిందీ ప్రేక్ష‌కుల‌కు మెప్పించ‌బోతున్నార‌ని సోష‌ల్ మీడియాలో వార్త‌లు హ‌ల్‌చ‌ల్ చేస్తున్నాయి. అయితే అన‌సూయ హిందీ సినిమాల్లో న‌టించ‌డం లేద‌ని, ఓ ప్ర‌ముఖ హిందీ సీరియ‌ల్‌లో న‌టించ‌బోతున్నార‌ని టాక్‌. అన‌సూయ‌కు ఉన్న క్రేజ్ దృష్ట్యా స‌ద‌రు సీరియ‌ల్ మేక‌ర్స్ ఆమెను సంప్ర‌దించార‌ని వార్త‌లు విన‌ప‌డుతున్నాయి. మ‌రి సోష‌ల్ మీడియాలో చ‌క్క‌ర్లు కొడుతున్న ఈ వార్త‌ల‌పై అనసూయ త‌న సోష‌ల్ మీడియా అకౌంట్ ద్వారా ఏమైనా రిప్లై ఇస్తారేమో చూడాలి.