அண்மையில் இஸ்ரேல் பாலத்தீன விவகாரம் தொடர்பாக அமெரிக்க அதிபர் டிரம்ப் சில கருத்துக்களை வெளியிட்டிருந்தார். மேலும் 'மத்திய கிழக்கு அமைதித் திட்டம்' ஒன்றையும் அவர் முன்வைத்திருந்தார்.

'இந்த நூற்றாண்டின் ஒப்பந்தம்' என்று அதிபர் டிரம்ப் வர்ணித்த அந்தத் திட்டத்தை மலேசியப் பிரதமர் மகாதீர் கடுமையாக விமர்சித்துள்ளார். இந்நிலையில் அமெரிக்காவைக் காப்பாற்ற டிரம்ப் பதவி விலகவேண்டும் என்றும் அவர் வலியுறுத்தி உள்ளார்.

"அமெரிக்க மக்கள் குறித்து நான் ஏதும் சொல்லவில்லை. அமெரிக்க குடிமக்கள் மிகவும் நல்லவர்கள். ஆனால் அதிபர் டிரம்ப் அப்படியல்ல. எனவேதான் அமெரிக்காவைக் காப்பாற்ற அவர் பதவி விலகவேண்டும் என வலியுறுத்தினேன்," என்று இன்று (திங்கள்கிழமை) சைபர் ஜெயாவில் செய்தியாளர்களிடம் பேசும்போது அவர் குறிப்பிட்டார். டிரம்ப் தன்னையும் தன் கொள்கைகளையும் தாமே இழிவுபடுத்திக் கொண்டுள்ளார். மேலும் வெளிநாட்டு அழுத்தங்கள் மூலம் தேர்தலில் வெற்றிபெற முயற்சிக்கிறார்," என்றார் மகாதீர்.