వైట్ హౌస్‌లో కరోనా కలకలం రేపుతోంది. అమెరికా అధ్యక్షుడు డొనాల్డ్ ట్రంప్‌తో పాటు ఆయన సతీమణి మెలానియాకు కరోనా పాజిటివ్‌గా నిర్ధారణ అయింది. తన సలహాదారుణికి కరోనా పాజిటివ్ అని తేలడంతో అమెరికా అధ్యక్షుడు డొనాల్డ్ ట్రంప్, ప్రథమ మహిళ మెలానియా ట్రంప్‌లు వెంటనే కొవిడ్-19 పరీక్ష చేయించుకున్నారు. అమెరికా అధ్యక్షుడు డొనాల్డ్ ట్రంప్ సలహాదారిణి హోప్ హిక్స్‌కు కరోనా పాజిటివ్‌గా నిర్ధారణ అయింది. వెంటనే ట్రంప్ దంపతులు తాజాగా కరోనా పరీక్ష చేయించుకున్నారు.

పరీక్షల్లో డొనాల్డ్ ట్రంప్‌తో పాటు ఆయన సతీమణి మెలానియాకు కరోనా పాజిటివ్‌గా నిర్ధారణ అయింది. ట్రంప్ సలహాదారిణిగా పనిచేస్తున్న హూప్ హిక్సు ట్రంప్‌తో కలిసి ఈ వారంలో ప్రెసిడెన్షియల్ హెలికాప్టర్ మెరైన్‌వన్, ఎయిర్‌ఫోర్స్ వన్ మిన్నెసోటాలో ప్రయాణించారు. దీంతో పాటుగా ర్యాలీలో సైతం ట్రంప్‌తో పాటు హిక్స్ పాల్గొన్నారు. నవంబర్‌లో యూఎస్‌లో అధ్యక్ష ఎన్నికలు జరగనున్నాయి. ఈ నేపథ్యంలో ట్రంప్ చాలా బిజీగా ఉన్నారు. ఈ సమయంలో పాజిటివ్‌గా నిర్ధారణ కావడమనేది ట్రంప్ చాలా పెద్ద దెబ్బగా పరిణమించే అవకాశం ఉంది.

కోవిడ్ పరీక్ష ఫలితానికి ముందు ట్రంప్ ట్విట్టర్ వేదికగా తమ దంపతులిద్దరం కరోనా పరీక్ష చేయించుకున్నామని ఫలితం కోసం ఎదురు చూస్తున్నామని తెలిపారు. హిక్స్‌కు పాజిటివ్ అని తెలియగానే తమ దంపతులిద్దరూ క్వారంటైన్‌లోకి వెళ్లినట్టు తెలిపారు. ‘‘చిన్న విరామం కూడా తీసుకోకుండా చాలా కష్టపడి పనిచేస్తున్న హోప్ హిక్సుకు కొవిడ్- 19 పాజిటివ్ అని తేలింది. నేను, నా భార్య మెలానియా కొవిడ్ పరీక్ష ఫలితాల కోసం ఎదురు చూస్తున్నాం. ఇప్పటికే మేము క్వారంటైన్‌లోకి వెళ్లిపోయాం’’ అని డొనాల్డ్ ట్రంప్ ట్వీట్ చేశారు.