మాట‌ల ర‌చ‌యిత‌గానూ, ద‌ర్శ‌కుడుగానూ త్రివిక్ర‌మ్ శ్రీ‌నివాస్‌కి తెలుగు చిత్ర ప‌రిశ్ర‌మ‌లో ప్ర‌త్యేక స్థానం ఉంది. అందుకే ఆయ‌న చెంత‌కు విజ‌యాలు.. అవ‌లీల‌గా వ‌చ్చి చేరుతుంటాయి. ప్ర‌స్తుతం ఈ మాట‌ల మాంత్రికుడు 'అ..ఆ..' అనే సినిమా తీస్తూ బిజీగా ఉన్న సంగ‌తి తెలిసిందే. నితిన్‌, స‌మంత‌, అనుప‌మ ప‌ర‌మేశ్వ‌ర‌న్ హీరో హీరోయిన్లుగా న‌టిస్తున్న ఈ సినిమా మే 6న విడుద‌ల కానుంది.

ఇలా వేస‌వి సంద‌ర్భంలో త్రివిక్ర‌మ్ నుంచి వ‌స్తున్న మూడో సినిమా ఇది. ఇదివ‌ర‌కు ప‌వ‌న్ క‌ళ్యాణ్‌తో చేసిన జ‌ల్సా, అల్లు అర్జున్ తో చేసిన స‌న్నాఫ్ స‌త్య‌మూర్తి ఇదే సీజ‌న్‌లో విడుద‌లై చెప్పుకోద‌గ్గ ఫ‌లితాల‌నే పొందాయి. ఈ నేప‌థ్యంలో ముచ్చ‌ట‌గా మూడో విజ‌యాన్ని స‌మ్మ‌ర్ సీజ‌న్‌లో అందుకోవాల‌నుకుంటున్న త్రివిక్ర‌మ్‌కి.. 'అ..ఆ' ఆ ముచ్చ‌ట తీరుస్తుందో లేదో చూడాలి.