కొత్తోళ్లొద్దు.. పాతోళ్లే ముద్దంటున్న మాటల మాంత్రికుడు!!
- IndiaGlitz, [Wednesday,July 24 2019]
సినీ ఇండస్ట్రీలోకి ఎందరో నటీనటులు వస్తుంటారు.. పోతుంటారు. సినిమాలుంటే పండుగ లేకుంటే అంతే సంగతులు ఇంటికే పరిమితం కావాల్సిందే మరి. అయితే ఈ జనరేషన్ గురించి చెబితే ఎంత మంది హీరోహీరోయిన్లు వచ్చినా టాలెంట్ ఉంటే మాత్రం బండి నడిచిపోతుందంతే. ఇక ఓల్డ్ జనరేషన్ నటీనటుల సంగతేంటి..? అప్పట్లో తమ అందచెందాలతో ఎంతో మంది కుర్రకారును.. సినీ ప్రియులను మంత్రముగ్దులను చేసిన నటీమణులు మళ్లీ టాలీవుడ్‌లోకి ఎంట్రీ ఇచ్చేస్తున్నారు.
తాజాగా.. ‘ఓల్డ్ ఈజ్ గోల్డ్’ అంటూ నాటి నటీమణులను మాటల మాంత్రికుడు తివిక్రమ్ మళ్లీ తెరపైకి తెచ్చి మేకప్ వేయిస్తున్నారు. తన లేటెస్ట్ చిత్రాల్లో ‘నదియా’, ‘స్నేహ’, ‘కుష్బూ’, ‘టబు’,‘ సంగీత’ లను మళ్లీ పరిచయం చేస్తున్నారు. కాగా వీరిలో కొందర్ని ఇప్పటికే పరిచయం చేయగా.. తాజాగా స్టైలిష్ స్టార్ అల్లు అర్జున్ అలియాస్ బన్నీ హీరోగా వస్తున్న చిత్రంలో అలనాటి అందాల తార టబును మళ్లీ టాలీవుడ్‌లోకి తీసుకొస్తున్నారు.
కాగా.. ఈ సినిమాలో అల్లు అర్జున్ తల్లి పాత్రలో ‘టబు’ నటిస్తోంది. . అంతేకాదు.. ఈ చిత్రంలో మరో కీలక పాత్రలో సంగీతను తీసుకున్నట్లు ప్రచారం జరుగుతోంది. ఈ మూవీ 2020లో సంక్రాంతికి విడుదల కానుంది. అయితే ఈ చిత్రంలో టబు ఏ మాత్రం అభిమానులను అలరిస్తుందో.. అభిమానులు ఆమెను ఏ మాత్రం ఆదరిస్తారో వేచి చూడాల్సిందే మరి.