త్రివిక్ర‌మ్ కి కూడా పవన్ చెప్ప‌లేద‌ట..
- IndiaGlitz, [Monday,March 21 2016]
పవర్ స్టార్ పవన్ క‌ళ్యాణ్ - మాట‌ల మాంత్రికుడు త్రివిక్ర‌మ్ శ్రీనివాస్ ఇద్ద‌రూ మంచి మిత్రులు. వీరిద్ద‌రు క‌ల‌సి జల్సా, అత్తారింటికి దారేది చిత్రాలు చేసారు. ఇటీవ‌ల కాలంలో పవన్ - త్రివిక్ర‌మ్ మ‌ధ్య సాన్నిహిత్యం మ‌రింత పెరిగింద‌నే విష‌యం అందరికీ తెలిసిందే. ఇదిలా ఉంటే..త్రివిక్ర‌మ్ రెండు సార్లు సర్ధార్ సెట్స్ కి వెళ్లాడ‌ట. కానీ...పవన్ - త్రివిక్ర‌మ్ కి సర్ధార్ క‌థ గురించి కానీ...ఇప్ప‌టి వ‌ర‌కు తీసిన సీన్స్ గురించి కానీ ఏది చెప్ప‌లేద‌ట. సర్ధార్ సెట్ లో త్రివిక్ర‌మ్ వ‌చ్చిన‌ప్పుడు అసిస్టెంట్ డైరెక్ట‌ర్ త్రివిక్ర‌మ్ కి అప్ప‌టి వ‌ర‌కు తీసిన సీన్స్ చూపిస్తుంటే...పవన్ ఎందుకు చూపిస్తున్నావ్ అంటూ అసిస్టెంట్ డైరెక్ట‌ర్ పై ఫైర్ అయ్యాడ‌ట.
సర్ధార్ గబ్బర్ సింగ్ ఆడియో ఫంక్ష‌న్ లో త్రివిక్ర‌మ్ మాట్లాడుతూ...సర్ధార్ సినిమా గురించి నాకు ఏమీ తెలియ‌దు. అభిమానులు ఎలాగైతే సర్ధార్ సినిమా గురించి ఎదురుచూస్తున్నారో నేను కూడా అలాగే ఎదురుచూస్తున్నాను అన్నారు. త్రివిక్ర‌మ్ మాట‌ల‌ను బ‌ట్టి చూస్తుంటే...ప్ర‌చారంలో ఉన్న‌ట్టు నిజంగానే త్రివిక్ర‌మ్ కి పవన్ సర్ధార్ క‌థ గురించి ఏమీ చెప్ప‌లేద‌ని తెలుస్తుంది. అత్యంత స‌న్నిహితంగా ఉండే త్రివిక్ర‌మ్ కి పవన్ సర్ధార్ సినిమా గురించి ఏమీ చెప్ప‌క‌పోవ‌డానికి కార‌ణం ఏమిటో...పవన్ - త్రివిక్ర‌మ్ కే తెలియాలి.