మాట‌ల ర‌చ‌యిత‌గా త‌న మార్కు చూపించుకుని డైరెక్ట‌ర్‌గా టాప్ రేంజ్‌కి ఎదిగిన వ్య‌క్తి త్రివిక్ర‌మ్ శ్రీనివాస్‌. ప్ర‌స్తుతం ఎన్టీఆర్‌తో చేయాల్సిన సినిమాను సెట్స్‌పై తీసుకెళ్ల‌డానికి సిద్ధంగా ఉన్నాడు. మ‌రో వైపు అల్లు అర‌వింద్ నిర్మించ‌నున్న ప్యాన్ ఇండియా మూవీ రామాయణంకు సంబంధించిన స్క్రిప్టును సిద్ధం చేస్తున్నాడ‌నే టాక్ కూడా బ‌లంగా వినిపిస్తోంది. లేటెస్ట్ స‌మాచారం మేర‌కు మ‌రో ఇతిహాసం మ‌హాభార‌తాన్ని కూడా సినిమాగా చేయాల‌ని త్రివిక్ర‌మ్ ఆలోచిస్తున్నాడంటూ వార్తలు వినిపిస్తున్నాయి. అయితే మ‌హాభార‌తాన్నిసినిమాగా చేయ‌డ‌మంటే అంత చిన్న విష‌యం అయితే కాదు. కానీ త్రివిక్ర‌మ్ ఆలోచ‌న మ‌రోలా ఉంద‌ట‌.

వివ‌రాల మేర‌కు మ‌హాభారతంలోని పాత్ర‌ల‌ను సోష‌లైజ్ చేసి దాన్ని సినిమాగా తెర‌కెక్కిస్తే ఎలా ఉంటుంద‌నేది త్రివిక్ర‌మ్ ఆలోచ‌న‌ట‌. అంతా ఓకే అయితే స్క్రిప్ట్ ప‌నిని మొద‌లు పెట్టాల‌నే ఆలోచ‌న‌తోనే ఈ మాట‌ల మాంత్రికుడు ఉన్నాడంటున్నాయి ఇండ‌స్ట్రీ వ‌ర్గాలు. గ‌త ఏడాది సంక్రాంతికి అల వైకుంఠ‌పుర‌ములో చిత్రంతో త్రివిక్ర‌మ్ నాన్ బాహుబ‌లి రికార్డులు క్రియేట్ చేసిన డైరెక్ట‌ర్‌గా క్రెడిట్‌ను ద‌క్కించుకున్నాడు.