బాలీవుడ్ రీమేక్‌లో త్రిష
- IndiaGlitz, [Thursday,October 13 2016]
త్రిష త‌మిళంలో వ‌రుస సినిమాల‌తో బిజీగా ఉంది. ధ‌నుష్ స‌ర‌స‌న కొడి(తెలుగులో ధ‌ర్మ‌యోగి) సినిమాలో నెగ‌టివ్ ట‌చ్ ఉన్న క్యారెక్ట‌ర్‌లో న‌టించింది. ఈ సినిమాల‌తో పాటు త‌మిళంలో మోహిని, చ‌దురంగ వేట్టై సినిమాల్లో న‌టిస్తుంది. అయితే లెటెస్ట్‌గా కోలీవుడ్ సినీ వ‌ర్గాల ప్ర‌కారం త్రిష బాలీవుడ్ రీమేక్ లో న‌టించ‌నుంది.
గ‌తేడాది బాలీవుడ్‌లో అనుష్క‌శ‌ర్మ నటిస్తూ న‌వ‌దీప్ సింగ్ ద‌ర్శ‌క‌త్వంలో నిర్మించిన ఎన్‌.హెచ్‌10 సినిమా పెద్ద స‌క్సెస్‌ను సాధించిన సంగ‌తి తెలిసిందే. ఈ బాలీవుడ్ త‌మిళ రీమేక్‌లో త్రిష న‌టించ‌నుందని టాక్‌. అయితే ఈ సినిమాను త‌మిళంలో ఎవ‌రు నిర్మించ‌నున్నారు, ద‌ర్శ‌కుడెవ‌ర‌నే దానిపై ఇంకా క్లారిటీ లేదు. త్వ‌ర‌లోనే వివ‌రాలు వెల్ల‌డ‌వుతాయ‌ని స‌మాచారం.