வரும் வெள்ளிக்கிழமை அதாவது டிசம்பர் 30-ஆம் தேதி நான்கு திரைப்படங்கள் ரிலீஸ் ஆக இருக்கும் நிலையில் நான்கு படங்களுமே நாயகிக்கு முக்கியத்துவம் உள்ள படங்கள் என்பது குறிப்பிடத்தக்கது.

த்ரிஷா நடித்த ’ராங்கி’ மற்றும் சன்னி லியோன் நடித்த ’ஓ மை கோஸ்ட்’ ஐஸ்வர்யா ராஜேஷ் நடித்த ’டிரைவர் ஜமுனா’ மற்றும் கோவை சரளா நடித்த ‘செம்பி’ ஆகிய திரைப்படங்கள் வரும் 30ஆம் தேதி ரிலீஸ் ஆக உள்ளன.

தமிழ் திரையுலகில் ஒரே நாளில் 4 நாயகிக்கு முக்கியத்துவம் உள்ள திரைப்படங்கள் ரிலீஸ் ஆவது பெரும் பரபரப்பை ஏற்படுத்தி உள்ள நிலையில் இந்த படங்களில் ’ராங்கி’ மற்றும் ’ஓ மை கோஸ்ட்’ ஆகிய இரண்டு படங்களுக்கும் நல்ல எதிர்பார்ப்பு இருப்பதாக கோலிவுட் வட்டாரங்கள் கூறுகின்றன. இந்த இரண்டு படங்களில் வெற்றி பெறுவது த்ரிஷாவா? சன்னி லியோனா? என்பதை பொறுத்திருந்து பார்ப்போம்.

அதே நேரத்தில் ஐஸ்வர்யா ராஜேஷ் ’டிரைவர் ஜமுனா’ திரைப்படத்தின் ட்ரெய்லர் மற்றும் டீசர் நல்ல வரவேற்பை பெற்றுள்ளது. கோவை சரளாவின் மிகச்சிறந்த நடிப்பில் உருவாகியிருக்கும் ’செம்பி’ நல்ல எதிர்பார்ப்பை ஏற்படுத்தி உள்ளது.

மேலும் நான்கு படங்களுமே கிட்டத்தட்ட இரண்டு மணி நேரம் ரன்னிங் டைம் உள்ள படங்களாக உள்ளன என்பது குறிப்பிடத்தக்கது.