விக்ரமின் 'சாமி 2' படத்தில் மீண்டும் த்ரிஷா?
- IndiaGlitz, [Monday,January 08 2018]
விக்ரம், த்ரிஷா நடிப்பில் இயக்குனர் ஹரி இயக்கிய 'சாமி' திரைப்படம் கடந்த 2003ஆம் ஆண்டு வெளிவந்து சூப்பர் ஹிட் ஆகிய நிலையில் 15 ஆண்டுகள் கழித்து தற்போது இந்த படத்தின் இரண்டாம் பாகம் தயாராகி வருகிறது.
இந்த படத்தில் த்ரிஷா மற்றும் கீர்த்திசுரேஷ் நாயகிகளாக நடிக்க ஒப்பந்தமாகிய நிலையில் சமீபத்தில் இந்த படத்தில் இருந்து த்ரிஷா திடீரென விலகினார். இந்த நிலையில் த்ரிஷாவை மீண்டும் இந்த படத்தில் நடிக்க வைக்க அவரிடம் பேச்சுவார்த்தை நடத்தப்பட்டது. இந்த பேச்சுவார்த்தையில் உடன்பாடு ஏற்பட்டுள்ளதாகவும், எனவே த்ரிஷா இந்த படத்தில் நடிப்பார் என்றும் கூறப்படுகிறது. சமீபத்தில் இயக்குனர் ஹரி அளித்த பேட்டியில் த்ரிஷா இந்த படத்தில் நடிப்பார் என்பதை உறுதி செய்தார்.
மேலும் இந்த படத்தில் ஐந்து பாடல்கள், நான்கு ஆக்சன் காட்சிகள் மற்றும் இரண்டு சேஷிங் காட்சிகள் இருப்பதாகவும் இயக்குனர் ஹரி தெரிவித்துள்ளார். ஷிபுதமீன்ஸ் தயாரிக்கும் இந்த படத்தில் விக்ரம், கீர்த்திசுரேஷ், பிரபு, பாபிசிம்ஹா, சூரி உள்பட பலர் நடித்து வருகின்றனர். ஷிபு தமீன்ஸ் தயாரித்து வரும் இந்த படத்திற்கு தேவிஸ்ரீ பிரசாத் இசையமைக்கின்றார். பிரியன் ஒளிப்பதிவும், வி.டி.விஜயன் படத்தொகுப்பு பணியும் செய்யவுள்ள இந்த படம் இந்த ஆண்டு ரம்ஜான் விடுமுறைக்கு வெளியாகும் என்று எதிர்பார்க்கப்படுகிறது.