தற்போது சமூக வலைத்தளங்கள் என்பது நமது வாழ்வின் ஒரு அங்கமாகிவிட்டது. ஒவ்வொருவரின் சமூகவலைத்தள பக்கமும் ஒரு மீடியா போல் அவ்வபோது பிரேக்கிங் செய்திகளை அளித்து வருகின்றன. அதனால் பிரபலங்களின் சமூக வலைத்தள பக்கங்களுக்கு ஃபாலோயர்கள் குவிந்து வருகின்றது. குறிப்பாக திரையுலக பிரபலங்களின் சமூக வலைத்தள பக்கங்கள் ரசிகர்களிடையே பெரும் வரவேற்பை பெற்று மில்லியன் கணக்கான பாலோயர்களை பெற்று வருகின்றது.

அந்த வகையில் கடந்த 16 ஆண்டுகளாக தமிழ் திரையுலகில் மட்டுமின்றி தென்னிந்திய திரையுலகில் இன்னும் இளம் நாயகிகளுக்கு இணையாக முன்னணி ஹீரோக்களுக்கு ஜோடியாக நடித்து வருபவர் நடிகை த்ரிஷா.

இந்த நிலையில் த்ரிஷாவின் டுவிட்டர் பக்கம் இன்று ஐந்து மில்லியன் ஃபாலோயர்கள் என்ற புதிய மைல்கல்லை தொட்டுள்ளது. இதற்கு அவரது ரசிகர்கள் அவருக்கு வாழ்த்து தெரிவித்து வருகின்றனர்.

த்ரிஷா தற்போது 'கர்ஜனை', 'சதுரங்க வேட்டை 2', '1818' மற்றும் 'பரமபத விளையாட்டு' ஆகிய படங்களில் நடித்து வருகிறார் என்பது குறிப்பிடத்தக்கது.