த்ரிஷாவின் அடுத்த பட படப்பிடிப்பு நிறைவு.. ரிலீஸ் எப்போது?
- IndiaGlitz, [Monday,May 13 2024]
நடிகை த்ரிஷா தற்போது அஜித் உடன் ’விடாமுயற்சி’ மோகன்லாலுடன் ’ராம்’ கமல்ஹாசன் உடன் ’தக்லைஃப்’ சிரஞ்சீவி உடன் ‘விஸ்வாம்பரா’ மற்றும் டொவினோ தாமஸ் உடன் ’ஐடெண்டிட்டி’ ஆகிய ஐந்து முன்னணி நடிகர்களின் படங்களில் நடித்து வருகிறார்.
மேற்கண்ட ஐந்து படங்களின் படப்பிடிப்பும் விறுவிறுப்பாக நடைபெற்று வரும் நிலையில் தற்போது அவர் டொவினோ தாமஸ் உடன் நடித்த ’ஐடெண்டிட்டி’ படத்தின் படப்பிடிப்பில் த்ரிஷா காட்சியின் படப்பிடிப்பு முடிவடைந்து விட்டதாக தகவல் வெளியாகியுள்ளது. இதனை அடுத்து கடைசி நாள் படப்பிடிப்பில் படக்குழுவினர்களுடன் த்ரிஷா எடுத்துக் கொண்ட புகைப்படம் தற்போது இணையத்தில் வைரல் ஆகி வருகிறது.
டொவினோ தாமஸ், த்ரிஷா, வினய் ராய் உள்ளிட்டோர் ’ஐடெண்டிட்டி’ படத்தில் நடித்துள்ள நிலையில் இந்த படத்தை இயக்குனர் அகில் பால் என்பவர் இயக்கியுள்ளார். த்ரிஷா காட்சியின் படப்பிடிப்பு முடிந்தாலும் மற்ற படப்பிடிப்பு இன்னும் சில நாட்கள் நடைபெறும் என்றும், அதன் பின்னர் இந்த படத்தின் தொழில்நுட்ப பணிகள் தொடங்கும் என்று கூறப்படுகிறது. மேலும் இந்த படம் இந்த ஆண்டு இறுதியில் வெளியாகும் என எதிர்பார்க்கப்படுகிறது.
இந்த நிலையில் த்ரிஷா நடித்து வரும் ’விடாமுயற்சி’ படத்தின் படப்பிடிப்பு தாமதம் ஆகி வருவதால் அந்த படத்திற்காக அவர் கொடுத்த கால்ஷீட்டுகளை ’தக்லைஃப்’ மற்றும் ‘விஸ்வாம்பரா’ படத்திற்காக அவர் கொடுத்து விட்டதாகவும் கூறப்படுகிறது.