தமிழ் திரையுலகில் கடந்த 20 ஆண்டுகளுக்கும் மேலாக நாயகியாக நடித்து வரும் த்ரிஷா தற்போது கூட இளம் நடிகைகளுக்கு இணையாக 5 படங்களில் நடித்து வருகிறார் என்பதும் அவற்றில் பொன்னியின் செல்வன் மிகவும் எதிர்பார்ப்புக்குரிய திரைப்படம் என்பதும் குறிப்பிடத்தக்கது.

இந்த நிலையில் தற்போது மேலும் ஒரு திரைப்படத்தில் நடிக்க நடிகை த்ரிஷா ஒப்பந்தமாகியுள்ளார். மதுரையில் கடந்த சில ஆண்டுகளுக்கு முன்னர் நடந்த உண்மை சம்பவத்தின் அடிப்படையில் உருவாகும் இந்த படத்திற்கு ’தி ரோடு’ என்ற டைட்டில் வைக்கப்பட்டுள்ளது. இந்த படத்தை அறிமுக இயக்குனர் அருண் வசீகரன் என்பவர் இயக்க இருப்பதாகவும் இந்த படத்தின் படப்பிடிப்பு மதுரையில் 50 நாட்கள் நடத்த திட்டமிட்டு இருப்பதாகவும் தகவல்கள் வெளியாகி உள்ளன

த்ரிஷா முக்கிய வேடத்தில் நடிக்கும் இந்த படத்தில் சந்தோஷ் பிரதாப், சபீர், மியா ஜார்ஜ், எம்எஸ் பாஸ்கர் உள்ளிட்ட பலர் நடிக்க உள்ளனர். ‘விக்ரம் வேதா’ புகழ் சாம் சிஎஸ் இசையில் உருவாகும் இந்த படத்திற்கு கேஜி வெங்கடேஷ் ஒளிப்பதிவும், நாகூரான் படத்தொகுப்பு பணியும் செய்ய உள்ளனர்.