த்ரிஷாவின் 'நாயகி' ஆடியோ ரிலீஸ் தேதி
- IndiaGlitz, [Friday,April 08 2016]
கோலிவுட், டோலிவுட் படவுலகில் கடந்த 10 ஆண்டுகளுக்கும் மேலாக முன்னணி நடிகையாக இருந்து வரும் நடிகை த்ரிஷா தற்போது வித்தியாசமான கேரக்டரில் 'நாயகி' என்ற படத்தில் நடித்து வருகிறார் என்பது அனைவரும் அறிந்ததே.
'த்ரில்' படமாக உருவாகி வரும் நாயகி' படத்தில் த்ரிஷா வித்தியாசமான கெட்டப்பில் நடித்து வரும் நிலையில் இந்த படத்தின் ஆடியோ ரிலீஸ் தேதி குறித்த தகவல்கள் தற்போது வெளிவந்துள்ளது. இந்த படத்தின் ஆடியோ வரும் 11ஆம் தேதி ரிலீஸ் ஆகவுள்ளதாக கூறப்படுகிறது.
'அபியும் நானும்' படத்திற்கு பின்னர் நடிகர் கணேஷ் வெங்கட்ராமனுடன் த்ரிஷா நடித்துள்ள இந்த படத்தில் சுஷ்மா ராஜ், ஜெயப்பிரகாஷ், கோவை சரளா, மனோபாலா, பிரம்மானந்தம் உள்ளிட்ட பலர் நடித்துள்ளனர். கோவி இயக்கியுள்ள இந்த படத்தை த்ரிஷாவின் மேனேஜர் கிரிதர் தயாரித்துள்ளார். ஸ்ரீதேனாண்டாள் பிலிம்ஸ் தமிழகம் முழுவதும் இந்த படத்தை ரிலீஸ் செய்கிறது.