கடந்த வாரம் கார்த்தியின் 'கடைக்குட்டி சிங்கம்' மற்றும் சிவாவின் 'தமிழ்ப்படம் 2' ஆகிய இரண்டு படங்கள் வெளியாகி இரண்டும் வசூலில் சாதனை செய்து வருகின்றது. இந்த நிலையில் இந்த வாரம் எந்த பெரிய படமும் வெளியாகவில்லை என்பதால் இந்த இரண்டு படங்களும் அடுத்த வாரம் வரை வசூலை குவிக்கும் என எதிர்பார்க்கப்படுகிறது.

இந்த நிலையில் ஜூலை 27ஆம் தேதி விஜய்சேதுபதியின் 'ஜூங்கா' மற்றும் ஆர்யாவின் 'கஜினிகாந்த்' ஆகிய இரண்டு படங்களும் வெளியாகவுள்ளதாக ஏற்கனவே அறிவிக்கப்பட்டு இந்த படங்களின் புரமோஷன் பணிகள் முழுவீச்சில் நடந்து வருகிறது.

இந்த நிலையில் த்ரிஷா நடிப்பில் உருவாகியுள்ள 'மோகினி' திரைப்படமும் அதே ஜூலை 27ஆம் தேதி வெளியாகவுள்ளதாக சற்றுமுன் அதிகாரபூர்வமாக அறிவிக்கப்பட்டுள்ளது. எனவே விஜய்சேதுபதி, ஆர்யா படங்களுடன் த்ரிஷாவின் படமும் இணைந்து வெளியாகுவது உறுதி செய்யப்பட்டுள்ளது.