త్రిష సినిమా కోసం మరి అన్ని లొకేషన్స్..
- IndiaGlitz, [Saturday,July 15 2017]
మూడు ప‌దులు వ‌య‌సు దాటినా, నేటి త‌రం హీరోయిన్స్‌తో ఢీ అంటే ఢీ అంటుంది చెన్నై సొగ‌స‌రి త్రిష. హీరోయిన్‌గా ఎంట్రీ ఇచ్చిన త్రిష యాబై సినిమాల్లో న‌టించింది. ప‌దేళ్ళ‌కు పైగా వెండితెర‌పై క‌నువిందు చేసి సీనియ‌ర్ హీరోయిన్ అయ్యింది. ఇక త్రిష ప‌నై పోయింది. ఇండ‌స్ట్రీలోకి వ‌చ్చే కొత్త హీరోయిన్స్‌తో ఆమె పోటీ ప‌డ‌లేదు. అనుకునేవారికి ఆమె త‌న ప‌నితోనే స‌మాధానం చెబుతుంది.
ఒక వైపు హీరోయిన్ సెంట్రిక్ సినిమాల్లో న‌టిస్తూనే మ‌రో వైపు గ్లామ‌ర్ పాత్ర‌ల్లో కూడా అభిమానుల‌ను అల‌రిస్తుంది. ఇప్పుడు ఏకంగా ఆరేడు ప్రాజెక్టుల‌తో బిజీ హీరోయిన్ ఆప్ సౌత్ అయ్యింది. త‌మిళంలో 'మోహిని', '1818', '96', 'మే జూడే', 'సామి2', 'స‌తురంగ వేట్టై', 'గ‌ర్జ‌నై' చిత్రాల్లో న‌టిస్తుంది. ప్ర‌స్తుతం పిజ్జా ఫేమ్ విజ‌య్‌సేతుప‌తితో క‌లిసి '96' అనే సినిమాలో న‌టిస్తుంది. ఈ సినిమాను ఏకంగా 30 లోకేష‌న్స్‌లో చిత్రీక‌రించ‌నున్నార‌ని కోలీవుడ్ వ‌ర్గాల స‌మాచారం. అల్రెడి రాజ‌స్థాన్‌, కొల్‌క‌త్తాల్లో సినిమా చిత్రీక‌ర‌ణ ముగిసింది. ట్రావెలింగ్ నేప‌థ్యంలో సాగే సినిమా కావ‌డంతో ఇన్ని లోకేష‌న్స్‌లో సినిమాను తెర‌కెక్కిస్తున్నార‌నేది స‌మాచారం.