தமிழ் திரையுலகில் நாயகிக்கு முக்கியத்துவம் உள்ள கதைகளில் நடிக்கும் நடிகைகள் நயன்தாராவும் த்ரிஷாவும் மட்டுமே. இந்த வகையில் நாயகிக்கு முக்கியத்துவம் கொடுத்து உருவாக்கப்பட்டுள்ள த்ரிஷாவின் 'மோகினி' திரைப்படம் இம்மாதம் வெளியாகவுள்ளதாக தகவல்கள் வெளிவந்துள்ளது.

சயிண்டிபிக் த்ரில்லர் படமான 'மோகினி' படத்தில் த்ரிஷாவுடன் சுரேஷ், பூர்ணிமா பாக்யராஜ், யோகிபாபு, மயில்சாமி, உள்பட பலர் நடித்துள்ளனர். விஜய் நடித்த 'மதுர' உள்பட பல படங்களை இயக்கிய மாதேஷ் இந்த படத்தை இயக்கியுள்ளார். குருதேவ் ஒளிப்பதிவு செய்துள்ள இந்த படத்திற்கு விவேக்-மெர்வின் இசையமைத்துள்ளனர்.

மெக்சிகோ, தாய்லாந்து, இங்கிலாந்து, ஸ்வீடன், மலேசியா மற்றும் வியட்நாம் ஆகிய நாடுகளில் இந்த படத்தின் படப்பிடிப்பு நடத்தப்பட்டுள்ளது. மேலும் இந்த படத்தில் த்ரிஷாவின் அதிரடி ஆக்சன் காட்சிகளும் உள்ளன என்பது குறிப்பிடத்தக்கது.

ஜனவரியில் விஜய்யின் பைரவா, சூர்யாவின் 'எஸ் 3' உள்பட பல திரைப்படங்கள் ரசிகர்களுக்கு விருந்து படைக்க காத்திருக்கும் நிலையில் இந்த பட்டியலில் த்ரிஷாவின் 'மோகினி'யும் இணைந்துள்ளதால் த்ரிஷாவின் ரசிகர்கள் உற்சாகம் அடைந்துள்ளனர்.