பரத்-பிரேம்ஜி முக்கிய வேடங்களில் நடிக்கும் 'சிம்பா' திரைப்படத்தின் படப்பிடிப்பு நடைபெற்று வருவதை ஏற்கனவே பார்த்துள்ளோம். அரவிந்த ஸ்ரீதர் இயக்கி வரும் இந்த படத்தில் பானுஸ்ரீ மேஹ்ரா நாயகியாக நடித்து வருகிறார்.

சிம்பா திரைப்படத்தில் 20 விதமான நாய்கள் நடித்துள்ளதாகவும், விலங்குகள் நலவாரியத்தில் உரிய அனுமதி பெற்று இந்த நாய்கள் நடிக்க வைக்கப்பட்டுள்ளதாகவும் கூறியுள்ள இயக்குனர், இந்த படத்தின் சிறப்புத்தோற்றத்தில் நடிக்க நடிகை த்ரிஷாவிடம் பேச்சுவார்த்தை நடந்து வருவதாகவும், அவர் இந்த படத்தில் நடிக்க ஒப்புக்கொள்வார் என தான் நம்புவதாகவும் கூறியுள்ளார்.

த்ரிஷா விலங்குகளிடத்தில் குறிப்பாக நாய்களிடம் பிரியமாக இருப்பதை அனைவரும் அறிவோம். இந்த படத்தில் வரும் ஒரு நாயின் பெயர் காட்பரி. இதே பெயரில் த்ரிஷாவும் ஒரு நாயை வளர்த்து வருவதால், செண்டிமெண்டாக இந்த படத்தில் த்ரிஷா நடிக்க ஒப்புக்கொள்வார் என படக்குழுவினர் நம்பிக்கை தெரிவித்துள்ளனர்.

இந்த படத்தின் மற்றொரு முக்கிய கேரக்டரில் ரமணா நடித்திருப்பதாகவும், பிரபல டோலிவுட் நடிகை ஸ்வாதி தீக்சித் ஒரு பாடலுக்கு நடனம் ஆடியிருப்பதாகவும் கூறப்படுகிறது.