இயக்குனர் துரைசெந்தில்குமார் இயக்கத்தில் தனுஷ் நடிக்கவிருக்கும் படத்தில் த்ரிஷா நடிக்கவுள்ளதாக வெளிவந்த செய்தியை ஏற்கனவே பார்த்தோம். இந்நிலையில் இந்த படத்தில் த்ரிஷா, 'படையப்பா' நீலாம்பரி போன்ற கேரக்டரில் நடிக்கவுள்ளதாகவும், கடந்த பத்து வருட கால திரையுலக வாழ்க்கையில் த்ரிஷா இதுபோன்ற கேரக்டரில் நடித்ததில்லை என்றும் கூறப்படுகிறது. ரஜினிக்கே சவாலாக இருந்த கேர்க்டர் நீலாம்பரி. இதே போன்ற கேரக்டரை எதிர்கொள்ளவிருக்கும் தனுஷ், எப்படி சமாளிக்க போகிறார் என்பதை பொறுத்திருந்துதான் பார்க்க வேண்டும்.

அண்ணன் - தம்பி என இரண்டு கேரக்டர்களில் இந்த படத்தில் தனுஷ் நடிக்கின்றார். தம்பி தனுஷுக்கு ஜோடியாக ஷாம்லி நடிக்கவுள்ளதாக ஏற்கனவே செய்திகள் வெளிவந்த நிலையில் அண்ணன் தனுஷுக்கு ஜோடியாக நடிக்க த்ரிஷா தற்போது ஒப்பந்தமாகியுள்ளார்.

ஏற்கனவே ஆடுகளம் மற்றும் தங்கமகன் ஆகிய இரண்டு படங்களிலும் தனுஷுக்கு ஜோடியாக நடிக்க த்ரிஷாவிடம் பேச்சுவார்த்தை நடத்தப்பட்டதாகவும் ஆனால் அந்த நேரங்களில் த்ரிஷாவின் தேதிகள் ஒத்துவராததால் அவரால் நடிக்க முடியவில்லை என்றும் கூறப்படுகிறது.

இந்த படத்திற்கு அனிருத் இசையமைக்கின்றார் என்பது குறிப்பிடத்தக்கது.