தமிழ் திரையுலகின் முன்னணி நடிகைகளில் ஒருவரான த்ரிஷா நடித்துள்ள திரைப்படம் ஒன்று ஓடிடியில் ரிலீஸாவதாக அறிவிக்கப்பட்டு ரிலீஸ் தேதி அதிகாரபூர்வமாக அறிவிக்கப்பட்டுள்ளது. இதனை அடுத்து அவரது ரசிகர்கள் உற்சாகமாகி உள்ளனர்

தமிழ் திரையுலகின் முன்னணி நடிகையான த்ரிஷா கடந்த இருபது வருடங்களுக்கும் மேலாக நடித்து வருகிறார் என்பதும் அவர் தற்போது இளம் நடிகைகளுக்கு இணையாக ’பொன்னியின் செல்வன்’ உள்பட 6 படங்களுக்கு மேல் நடித்து வருகிறார் என்பதும் குறிப்பிடத்தக்கது

இந்த நிலையில் த்ரிஷாவின் நடிப்பில் உருவாகியுள்ள திரைப்படங்களில் ஒன்று ’பரமபதம் விளையாட்டு’. இந்த திரைப்படத்தின் ரிலீஸ் தேதி ஏற்கனவே ஒரு சில முறை அறிவிக்கப்பட்டு அதன்பின் ஒத்தி வைக்கப்பட்டிருந்த நிலையில் தற்போது இந்த திரைப்படம் ஹாட் ஸ்டார் ஓடிடியில் ஏப்ரல் 14ம் தேதி தமிழ்ப் புத்தாண்டு தினத்தில் ஒளிபரப்பாக உள்ளதாக அறிவிக்கப்பட்டுள்ளது. இதனை அடுத்து திரிஷாவின் ரசிகர்கள் இந்த படத்தை பார்க்க மிகவும் ஆவலுடன் உற்சாகத்தில் உள்ளனர் என்பது குறிப்பிடத்தக்கது

த்ரிஷா, நந்தா, ரிச்சர்ட் ரிஷி, வேலராமமூர்த்தி, ஏஎல் அழகப்பன் உள்பட பலர் நடித்துள்ள இந்த திரைப்படத்தை திருஞானம் இயக்கியுள்ளார். அம்ரேஷ் கணேஷ் இசையில், தினேஷ் ஒளிப்பதிவில், பிரேம்குமார் படத்தொகுப்பில் இந்த படம் உருவாகியுள்ளது என்பது குறிப்பிடத்தக்கது.