த்ரிஷா நடிப்பில் திருஞானம் இயக்கிய ’பரமபதம் விளையாட்டு’ திரைப்படம் நீண்ட கால தாமதத்திற்குப் பின்னர் வரும் 28ஆம் தேதி அதாவது நாளை வெளியாக இருந்தது. இதற்கான புரமோஷன் பணிகள் விறுவிறுப்பாக நடைபெற்று நேற்று முதல் திரையரங்குகளில் முன்பதிவும் தொடங்கப்பட்டது என்பது குறிப்பிடத்தக்கது.

இந்த நிலையில் இந்த படத்தின் ரிலீஸ் தேதி திடீரென மாற்றப்பட்டுள்ளதாக தயாரிப்பு தரப்பிலிருந்து செய்திகள் வெளிவந்துள்ளது. இதுகுறித்து தயாரிப்பாளர் தனது டுவிட்டர் பக்கத்தில் தெரிவித்ததோடு ரசிகர்களிடம் மன்னிப்பு கோருவதாகவும் இந்த படத்தின் ரிலீஸ் ஒரு சில காரணங்களால் தள்ளிப் போவதாகவும் புதிய ரிலீஸ் தேதி விரைவில் அறிவிக்கப்படும் என்றும் கூறியுள்ளார்.

சமீபத்தில் நடந்த இந்த படத்தின் புரமோஷன் நிகழ்ச்சியில் த்ரிஷா கலந்து கொள்ளவில்லை என்ற குற்றச்சாட்டு எழுந்த நிலையில் இந்த படத்தின் ரிலீஸ் தேதி தற்போது திடீரென தள்ளிப்போயுள்ளது பெரும் பரபரப்பை ஏற்படுத்தி உள்ளது.