நடிகை த்ரிஷா நடித்த ‘பிருந்தா’ என்ற திரைப்படம் நேரடியாக ஓடிடியில் ஆகஸ்ட் 2ஆம் தேதி வெளியாக இருக்கும் நிலையில் இந்த படத்தின் டிரைலர் சற்றுமுன் வெளியாகி இணையத்தில் வைரலாகி வருகிறது.

சிட்டியில் மர்மமான முறையில் தொடர் கொலைகள் நடந்து கொண்டிருக்கும் நிலையில் அந்த கொலையை கண்டுபிடிக்க காவல்துறை அதிகாரி த்ரிஷா களமிறங்குகிறார். ஆனால் அவரது ஸ்டேஷனில் உள்ள அதிகாரிகளே த்ரிஷாவுக்கு எதிராக உள்ளனர்.

இந்த நிலையில் தொடர் கொலைகளை த்ரிஷா இல்லாமல் காவல்துறையினர் கண்டுபிடித்தார்களா? அல்லது த்ரிஷா களத்தில் இறங்கினாரா? கொலையாளி பிடிபட்டாரா? என்பது தான் இந்த படத்தின் கதை என இரண்டு நிமிட ட்ரெய்லரில் இருந்து தெரியவந்துள்ளது. த்ரிஷா முக்கிய வேடத்தில் நடித்துள்ள இந்த திரைப்படம் அவருக்கு ஒரு வெற்றி படமாக அமையுமா? என்பதை பொறுத்திருந்து பார்ப்போம்.

த்ரிஷா, இந்திரஜித் சுகுமாரன், ஜெயபிரகாஷ், ரவீந்திர விஜய், ஆனந்த் சாமி உள்பட பலர் நடிப்பில் உருவாகிய இந்த படத்தை சூரிய மனோஜ் என்பவர் இயக்கி உள்ளார். தமிழ், தெலுங்கு,மலையாளம், கன்னடம், ஹிந்தி, மராத்தி மற்றும் பெங்காலி ஆகிய 7 மொழிகளில் ஆகஸ்ட் 2ஆம் தேதி முதல் இந்த படம் வெளியாகும் என்று அறிவிக்கப்பட்டுள்ளது.