கோலிவுட் திரையுலகில் கடந்த 15 ஆண்டுகளாக நாயகியாக நடித்து வரும் மிகச்சில நடிகைகளில் ஒருவர் த்ரிஷா. கமல், அஜித், விஜய் உள்பட சீனியர் மற்றும் இளையதலைமுறை நடிகர்கள் அனைவருடனும் நடித்து முடித்துவிட்ட த்ரிஷா, ரஜினியுடன் ஒரு படத்திலாவது நடிக்க வேண்டும் என்ற ஆசை மட்டும் நிறைவேறாமல் இருந்தது

இந்த நிலையில் கார்த்திக் சுப்புராஜ் இயக்கத்தில் ரஜினிகாந்த் நடித்து வரும் படத்தில் த்ரிஷா நடிக்க வாய்ப்பு இருப்பதாக நாம் ஏற்கனவே தெரிவித்திருந்தோம். தற்போது இந்த தகவல் உறுதி செய்யப்பட்டுள்ளது. ரஜினி-கார்த்திக் சுப்புராஜ் படத்தில் த்ரிஷா முக்கிய வேடத்தில் நடிப்பதாக சன்பிக்சர்ஸ் நிறுவனம் உறுதி செய்துள்ளது. எனவே த்ரிஷாவின் நீண்டகால கனவு நனவாகிவிட்டது என்பது குறிப்பிடத்தக்கது

இந்த படத்தின் நாயகியாக ஏற்கனவே சிம்ரன் நடித்து வருகிறார் என்பதும் அவரும் இந்த படத்தில்தான் முதல்முறையாக ரஜினியுடன் இணைந்து நடிக்கின்றார் என்பதும் குறிப்பிடத்தக்கது.