தமிழ் சினிமாவின் முன்னணி நடிகைகளில் ஒருவரான த்ரிஷா தனது சமூக வலைகளில் ஆக்டிவாக இருப்பார் என்பது அனைவரும் அறிந்ததே. ஆனால் திடீரென கடந்த சில வாரங்களுக்கு முன்னர் சமூக வலைதளங்களுக்கு ஓய்வு கொடுத்து இருந்த த்ரிஷா சமீபத்தில் மீண்டும் இணைந்தார் என்பது குறிப்பிடத்தக்கது.

இந்த நிலையில் த்ரிஷா தனது இன்ஸ்டாகிராம் பக்கத்தில் உள்ள கிட்டத்தட்ட அனைத்து போஸ்ட்டுகளையும் டெலிட் செய்து விட்டது ரசிகர்கள் குழப்பத்தில் ஆழ்த்தி உள்ளது. தற்போது த்ரிஷாவின் இன்ஸ்டாகிராம் பக்கத்தில் வெறும் 7 போஸ்ட்டுகள் மட்டுமே உள்ளன என்பதும் அதில் ஒன்று சமீபத்தில் பதிவு செய்த விஜய்யின் ’கில்லி’ படத்தில் நடித்த போஸ்ட்டும் ஒன்று என்பதும் குறிப்பிடத்தக்கது. த்ரிஷா ஏன் தனது பழைய போஸ்ட்டுகளை டெலிட் செய்துவிட்டார் என்ற காரணம் தெரியாமல் ரசிகர்கள் குழப்பத்தில் உள்ளனர்.

இந்த நிலையில் த்ரிஷா தற்போது ’பரமபதம் விளையாட்டு’ ’கர்ஜனை’ ’ராங்கி’ ’சுகர்’ ’ராம்’ மற்றும் ’பொன்னியின் செல்வன்’ ஆகிய திரைப்படங்களில் நடித்து வருகிறார் என்பதும் இவற்றில் ஒருசில திரைப்படங்கள் ரிலீசுக்கு தயாராகவுள்ளது என்பதும் குறிப்பிடத்தக்கது.