கடந்த 15 ஆண்டுகளாக தமிழ் திரையுலகில் கதாநாயகியாக நடித்து வரும் நடிகை த்ரிஷா. இவருடன் நடித்த நடிகைகள் பலர் அக்கா, அம்மா வேடங்களிலும், தொலைக்காட்சி தொடர்களிலும் நடித்து கொண்டிருக்கும் நிலையில் இளம் நடிகைகளுக்கு போட்டியாக இன்னும் நாயகியாக திரையுலகில் பிசியாக நடித்து வருகிறார்

த்ரிஷா தற்போது 96, 1818, பரமபத விளையாட்டு, சதுரங்க வேட்டை 2, கர்ஜனை ஆகிய படங்களில் நடித்து வருகிறார். இந்த நிலையில் த்ரிஷாவின் வீடியோ ஒன்று சமூக இணையதளங்களில் வைரலாகி வருகிறது.

த்ரிஷாவும் குத்துச்சண்டை பயிற்சியாளர் ஒருவரும் பாக்சிங் சண்டையிடும் இந்த வீடியோ ரசிகர்களிடையே மிக வேகமாக பரவி வருகிறது. இந்த பயிற்சி த்ரிஷா நடித்து வரும் படத்தின் கேரக்டருக்காகவா என்பது இனிமேல்தான் தெரியவரும். இருப்பினும் 34 வயதிலும் த்ரிஷா இன்னும் டீன் ஏஜ் பெண் போல் சுறுசுறுப்பாக பாக்சிங் செய்யும் வீடியோ அனைவரையும் கவர்ந்துவிட்டது என்பது குறிப்பிடத்தக்கது.