நடிகை த்ரிஷா இன்று தனது பிறந்தநாளை கொண்டாடி வரும் நிலையில் அவருக்கு திரையுலக பிரபலங்கள் ரசிகர்கள் பிறந்தநாள் வாழ்த்துக்களை தெரிவித்து வருகின்றனர்.

விஜய் நடித்து வரும் ’லியோ’ படத்தில் த்ரிஷா நாயகியாக நடித்து வருவதை அடுத்து அந்த படத்தின் குழுவினர் சிறப்பு புகைப்படத்தை வெளியிட்டு அவருக்கு பிறந்தநாள் வாழ்த்துக்களை தெரிவித்தனர் என்பதை பார்த்தோம்.

மேலும் அவர் நடித்து வரும் இன்னொரு திரைப்படமான ’தி ரோடு’ என்ற படத்தின் குழுவினர் இன்று மாலை 6.02 மணிக்கு த்ரிஷாவின் பிறந்தநாளை ஒட்டி சிறப்பு வீடியோ ஒன்றை வெளியிட இருப்பதாக தகவல் வெளியாகியுள்ளது.

இந்த நிலையில் சற்றுமுன் நடிகை த்ரிஷா தனது இன்ஸ்டாகிராம் பக்கத்தில் பிறந்தநாள் கொண்டாடிய புகைப்படங்களை வெளியிட்டுள்ளார். அவர் ஆன்மீக நகரங்களில் ஒன்றான சீரடியில் உள்ள சாய்பாபா கோவிலில் உட்கார்ந்து இருப்பது போன்ற புகைப்படத்தையும் அதன் பின்னர் கேக் வெட்டி பிறந்தநாள் கொண்டாடிய புகைப்படங்களையும் பதிவு செய்துள்ளார். இந்த க்யூட் புகைப்படங்கள் தற்போது இணையதளங்களில் வைரல் ஆகி வருகின்றன.

View this post on Instagram

A post shared by Trish (@trishakrishnan)