தமிழகத்தில் நாளுக்கு ஒரு கட்சி என்ற விகிதத்தில் அரசியல் கட்சிகள் பெருகி கொண்டே போகும் நிலையில் இன்று மேலும் ஒரு புதிய கட்சி உதயமாகியுள்ளது.

ஏற்கனவே டி.ராஜேந்தர் பிப்ரவரி 28ஆம் தேதி முக்கிய அறிவிப்பை அறிவிக்கவுள்ளதாக ஏற்கனவே கூறிய நிலையில் இன்று அவர் புதிய கட்சியை தொடங்கும் அறிவிப்பை தெரிவித்துள்ளார்.

அவருடைய புதிய கட்சியின் பெயர் இலட்சிய திராவிட முன்னேற்ற கழகம். சற்றுமுன்னர் அவர் தனது கட்சியின் பெயரை அறிவித்து ஒரு நீண்ட அறிக்கையையும் பத்திரிகையாளர் முன் வாசித்து வருகிறார்.

டி.ராஜேந்தரின் கட்சியின் பெயர் பலகையில் பெரியார், அண்ணா, எம்ஜிஆர் மற்றும் ஜெயலலிதாவின் படங்கள் இடம்பெற்றுள்ளன். மேலும் இதில் கட்சியின் கொடியும் உள்ளது. மீண்டும் அரசியல் களத்தில் குதித்துள்ள டி.ராஜேந்தர் மக்கள் மன்றத்தின் முன் வெற்றி பெறுவாரா? என்பதை பொறுத்திருந்து பார்ப்போம்