திரையுலகில் இருந்து அரசியலுக்கு வந்துள்ள நடிகர் கமல்ஹாசனை திரையுலகில் உள்ள ஒருசிலரே கடுமையாக விமர்சனம் செய்து வருகின்றனர். அவர்களில் ஒருவர் டி.ராஜேந்தர். கமல்ஹாசனை தனது நண்பர்களில் ஒருவர் என்று கூறிக்கொண்டாலும், அரசியல்ரீதியாக அவரை கடுமையாக எதிர்ப்பேன் என்று கூறும் டி.ஆர். நேற்று கமல்ஹாசனை ஷகிலாவுடன் ஒப்பிட்டு விமர்சனம் செய்தார்

கமல் கட்சியின் கூட்டத்திற்கு கூட்டம் வருவதாக கூறப்படுவது குறித்து டி.ஆர் கூறியபோது, 'ஷகிலா கட்சி ஆரம்பித்தால் கூட கூட்டம் வரும், ஆனால் வரும் கூட்டமெல்லாம் ஓட்டாக மாறுமா? என்று கேள்வி எழுப்பினார்.

கமல்ஹாசன் ரயிலில் போனதை ஊடகங்கள் பெரிதுபடுத்துகின்றன என்றும், 13 வருஷமா கமல்ஹாசன் ரயிலிலா சென்றார்? என்றும் கமல் விமானத்தில் சென்றே பழக்கப்பட்டவர், ஆனால் நான் 1980ஆம் ஆண்டில் இருந்து எங்கள் சொந்த ஊருக்கு செல்வதாக இருந்தால் ரயிலில்தான் செல்வேன் என்றும் டி.ஆர். கூறினார்

மேலும் ஊடகங்கள் ஸ்டெர்லைட் பிரச்சனையை இருட்டடிப்பு செய்வதற்காகவே கமல் கட்சியின் கூட்டத்தை  பெரிதுபடுத்துவதாக கண்டனம் தெரிவித்த டி.ஆர், பாஜக தமிழர்களை பிரித்தாளுவதாகவும், தமிழர்கள் அனைவரும் ஒற்றுமையாக போராடினால் நிச்சயம் வெற்றி கிடைக்கும் என்றும் பேசினார்.