கொரோனா வைரசால் இந்தியாவில் நேற்று வரை நான்கு பேர் மட்டுமே உயிரிழந்துள்ள நிலையில் இன்று ஒரே நாளில் மூன்று பேர் உயிரிழந்தது பெரும் அதிர்ச்சியை ஏற்படுத்தி உள்ளது

இன்று ஒரே நாளில் ஏற்கனவே மகாராஷ்டிர மாநிலத்தைச் சேர்ந்த ஒருவரும் பீகார் மாநிலத்தைச் சேர்ந்த ஒருவரும் கொரோனா வைரஸ் காரணமாக உயிரிழந்ததாக ஏற்கனவே தகவல்கள் வெளிவந்துள்ளது. இதில் பீகார் மாநிலத்தில் இறந்தவரின் வயது வெறும் 38 என்பதும் குறிப்பிடத்தக்கது. எனவே முதல் முறையாக இளைஞர் ஒருவர் இந்தியாவில் கொரோனாவால் பலியாகி உள்ளார் என்பது குறிப்பிடத்தக்கது

இந்த நிலையில் சற்றுமுன் வந்த செய்தியின்படி, குஜராத் மாநிலத்தில் முதன் முதலாக ஒருவர் கொரோனா வைரசுக்கு பலியாகியுள்ளார். 69 வயது முதியவர் ஒருவர் கொரோனா வைரஸால் தாக்கப்பட்டு கடந்த சில நாட்களாக சிகிச்சை பெற்று வந்த நிலையில் அவர் சற்று முன் உயிரிழந்துள்ளார். இதனை அடுத்து இந்தியாவில் கொரோனா வைரசால் உயிரிழந்தவர்களின் எண்ணிக்கை 7 ஆக உயர்ந்துள்ளது. அதுமட்டுமன்றி இன்று ஒரே நாளில் கொரோனா வைரஸ்க்கு மூன்று பேர் பலியாகி உள்ளது பெரும் அதிர்ச்சியை ஏற்படுத்தி உள்ளது.

இந்த நிலையில் போர்க்கால அடிப்படையில் உடனடியாக மத்திய மாநில அரசுகள் நடவடிக்கை எடுத்து நாடு முழுவதும் ஊரடங்கு உத்தரவை மார்ச் 31ஆம் தேதி வரை பிறப்பிக்க வேண்டும் என்று அனைத்து தரப்பினரும் கருத்து தெரிவித்து வருகின்றனர்