ప‌వ‌న్ క‌ళ్యాణ్‌, మ‌హేష్‌బాబు, అల్లు అర్జున్‌, రామ్‌చ‌ర‌ణ్‌, ర‌వితేజ‌.. ఈ టాప్ హీరోలంద‌రి టార్గెట్ ఒక‌టే. అదేమిటంటే.. త‌మ‌ నెక్ట్స్ ప్రాజెక్ట్స్‌ని సమ్మ‌ర్ సీజ‌న్‌లో ప్రేక్ష‌కుల ముందుకు తీసుకురావ‌డం. ప‌వ‌న్ న‌టిస్తున్న కొత్త చిత్రం 'స‌ర్దార్ గబ్బ‌ర్ సింగ్' ఏప్రిల్‌లో రిలీజ్ అయ్యేదిశ‌గా నిర్మాణం జ‌రుపుకుంటుంటే.. మ‌హేష్ న‌యా మూవీ 'బ్ర‌హ్మోత్స‌వం' కూడా అదే బాట ప‌ట్టే అవ‌కాశం క‌నిపిస్తోంది. ఇక అల్లు అర్జున్ న‌టిస్తున్న 'స‌రైనోడు' మార్చి నెలాఖ‌రులో లేదా ఏప్రిల్‌లో రిలీజ్ అయ్యే ఛాన్స్ ఉంద‌ట‌.

ఇక సురేంద‌ర్ రెడ్డి ద‌ర్శ‌క‌త్వంలో చ‌ర‌ణ్ న‌టించ‌నున్న 'త‌ని ఒరువ‌న్' రీమేక్ కూడా సమ్మ‌ర్ స్పెష‌ల్‌గా వ‌చ్చే అవ‌కాశం ఉందట‌. ఇప్ప‌టివ‌ర‌కు సురేంద‌ర్ హిట్ చిత్రాల‌న్నీ ఆ సీజ‌న్‌లో వ‌చ్చిన‌వే కావ‌డంతో.. చిత్ర యూనిట్ కూడా ఆ దిశ‌గానే ఆలోచిస్తోంద‌ట‌. ఇక ర‌వితేజ‌తో దిల్ రాజు నిర్మిస్తున్న 'ఎవ‌డో ఒక‌డు' కూడా మే నెల‌లో రిలీజ్ అయ్యే ఛాన్స్ ఉంద‌ట‌. గ‌తంలో వీరి కాంబినేష‌న్‌లో వ‌చ్చిన 'భద్ర' కూడా మే నెల‌లోనే రిలీజై హిట్ కొట్ట‌డం కూడా సెంటిమెంట్‌గా వ‌ర్క‌వుట్ అయ్యే అంశం. చూద్దాం.. వీటిలో ఫైన‌ల్‌గా ఏ ఏ సినిమాలు ఆ టైమ్‌కి సంద‌డి చేస్తాయో.