சன் டிவியில் 'டாப் குக்கு டூப் குக்கு' ஒளிபரப்பாகும் தேதி.. 'குக் வித் கோமாளி'யை மிஞ்சுமா?
- IndiaGlitz, [Sunday,May 12 2024]
விஜய் டிவியில் ’குக் வித் கோமாளி’ என்ற நிகழ்ச்சி நான்கு சீசன்கள் நடந்த நிலையில் தற்போது ஐந்தாவது சீசன் கலகலப்பாக சென்று கொண்டிருக்கிறது என்பதும், இந்த சீசனில் வெங்கடேஷ் பட் இல்லை என்றாலும் தாமு மற்றும் மாதம்பட்டி ரங்கராஜ் ஆகிய இருவரும் சிறப்பாக நடத்தி வருகின்றனர் என்பதும் குக்குகளும் கோமாளிகளும் ஒவ்வொரு எபிசோடுகளில் கலக்கி வருகின்றனர் என்பதையும் பார்த்தோம்.
இந்த நிலையில் ’குக் வித் கோமாளி’ நிகழ்ச்சிக்கு போட்டியாக சன் டிவியில் வெங்கடேஷ் பட் நடத்தும் ‘டாப் குக்கு டூப் குக்கு’ என்ற நிகழ்ச்சி குறித்த அறிவிப்பு சமீபத்தில் வெளியானது. மேலும் இந்த நிகழ்ச்சியின் விளம்பரங்கள் அவ்வப்போது சன் டிவியின் சமூக வலைதள பக்கத்தில் வெளியானது என்பதும் தெரிந்ததே.
இந்த நிலையில் தற்போது வந்திருக்கும் தகவலின் படி இந்த நிகழ்ச்சி மே 19ஆம் தேதி முதல் ஒளிபரப்பாக இருப்பதாக அறிவிக்கப்பட்டுள்ளது. ‘குக் வித் கோமாளி’ நிகழ்ச்சி சனி ஞாயிறு ஆகிய இரண்டு நாட்கள் ஒளிபரப்பாகி வரும் நிலையில் ‘டாப் குக்கு டூப் குக்கு’ நிகழ்ச்சி ஞாயிறு மட்டும் ஒளிபரப்பாகும் என்று கூறப்படுகிறது.
மொத்தத்தில் ’குக் வித் கோமாளி’ நிகழ்ச்சிக்கு போட்டியாக சமையல் மற்றும் காமெடியுடன் ஒளிபரப்பாகும் ‘டாப் குக்கு டூப் குக்கு’ நிகழ்ச்சி நல்ல வரவேற்பை பெறுமா? என்பதை பொறுத்திருந்து பார்ப்போம்.