இந்தியாவில் பிக்பாஸ் நிகழ்ச்சி மிகப்பெரிய வரவேற்பைப் பெற்றது போல் தற்போது ஹாலிவுட்டில் வயது வந்தவர்களுக்கான ஒரு பிக்பாஸ் நிகழ்ச்சி ஏற்பாடு செய்யப்பட்டுள்ளது. ‘ டூ ஹாட் டு ஹேண்டில்’ என்ற டைட்டிலில் இந்த நிகழ்ச்சி விரைவில் தொலைக்காட்சிகளில் ஒளிபரப்பாகவுள்ளது. இந்த நிகழ்ச்சியில் பத்து இளம் பெண்கள் மற்றும் பத்து வாலிபர்கள் ஒரு சொகுசு வில்லாவில் அடைக்கப்பட்டு இருப்பார்கள்.

அவர்கள் அந்த வில்லாவில் 4 வாரங்கள் இருக்க வேண்டும். அவர்களுக்குள் டேட்டிங் போன்ற உறவுகள் இருக்கலாம். ஆனால் அதே நேரத்தில் ஒரு கண்டிஷன். போட்டியாளர்கள் யாரும் முத்தம், உடலுறவு உள்பட எந்த வித பாலியல் செயல்களிலும் ஈடுபடக்கூடாது.

இதில் வெற்றி பெற்றவர்களுக்கு ஒரு லட்சம் அமெரிக்க டாலர் பரிசு என அறிவிக்கப்பட்டுள்ளது. இந்த ஹாட்டான நிகழ்ச்சியை லானா என்பவர் தொகுத்து வழங்க உள்ளார். அவர் போட்டியாளர்களுக்கு விதவிதமான டாஸ்குகளை கொடுப்பார். இந்த டாஸ்குகளை சரியாக செய்யாமல் இருப்பவர்கள் மற்றும் விதிகளை மீறுபவர்களுக்கு அவர்களுடைய பரிசுத் தொகை குறைய தொடங்கும்.

இறுதி போட்டிக்கு தகுதி பெறும் ஜோடிகள் மீண்டும் ஒரு சொகுசு இல்லத்தில் தனியாக தங்க வேண்டும். மீண்டும் அவர்களுக்கு டாஸ்குகள் கொடுக்கப்படும். பாலியல் உணர்வுகள் கட்டுப்படுத்தி வெற்றி பெற்றவர்கள் வெற்றியாளர்களாக அறிவிக்கப்பட்டு பரிசுகள் வழங்கப்படும். இந்த நிகழ்ச்சியினை நெட்பிளிக்ஸில் வரும் ஆகஸ்ட் 17ஆம் தேதி தொடங்க உள்ளது என்பதும் இது குறித்த விளம்பரங்கள் தற்போது வெளியாகி டிரெண்டாகியுள்ளது என்பதும் குறிப்பிடத்தக்கது.